ចាន់ សំអាត ជួបជាមួយអ្នកប្រដាល់ ចំណូលថ្មីថៃ ផេត ម៉េតម៉ៃ

ភ្នំពេញ៖អ្នកប្រយុទ្ធលើកំពូលភ្នំដងរែកចាន់ សំអាត ក្លិបអប់រំកាយស្រុកអន្លង់វែងខេត្តឩត្តរមានជ័យ នឹង
ជួបតស៊ូជាមួយអ្នកប្រដាល់ ចំណូលថ្មីថៃ ផេត ម៉េតម៉ៃ (Phat Meithmay) លើសង្វៀន Boostrong Fighter on Fireរបស់
អាស៊ីអាគ្នេយ៍ ព្រឹកថ្ងៃទី៥មករានេះ ។
សម្រាប់អ្នកប្រដាល់ចំណូលថ្មីថៃរូបនេះ មិនដឹងថាគេខ្លាំង ឬ ខ្សោយឡើយ តែសម្រាប់សំអាតទោះបី
ពេលខ្លះគេវ៉ៃ មិនសូវបានល្អក៏ពិតមែន តែគេបានអះអាងថា ទម្ងន់ប៉ុនគ្នា មិនជាបញ្ហាឡើយ ព្រោះរូបគេត្រៀមខ្លួន
សម្រាប់ការប្រកួតមួយនេះ បានល្អណាស់គេនឹងវ៉ៃ ឲ្យអស់ពីសមត្ថភាព គេនឹងមិនធ្វើឲ្យអ្នកគាំទ្ររូបគេ អស់សង្ឃឹមឡើយ ។
ផេត ម៉េតម៉ៃនេះគឺជាលើកទី១ហើយ ដែលគេឆ្លងដែនមក ប្រកួតនៅស្រុកខ្មែរ ។អ្នកប្រដាល់រូបនេះបាន
បង្ហាញពីភាពស្ងប់ស្ងាត់ តែបានចាត់ទុកថា គេនឹងសាងកេរ្តិ៍ឈ្មោះឲ្យកាន់តែអស្ចារ្យ តាមរយៈការប្រកួតមួយនេះ។
គេត្រូវការស្ពាយជ័យជំនះ ត្រឡប់ទៅវិញ ហើយគេនឹងរកឱកាសមក ប្រកួតជាមួយអ្នកប្រដាល់កម្ពុជា ដទៃទៀត ។
អ្នកប្រដាល់ថៃរូបនេះ មានប្រវត្តិប្រកួតចំនួន៦៥ដង ឈ្នះ៥៣ដង ចាញ់១១ដង និងស្មើពិន្ទុ១ដង ។ចំពោះ
អ្នកប្រដាល់កម្ពុជាចាន់ សំអាតវិញគេ មានប្រវត្តិប្រកួតចំនួន៨៧ដង ឈ្នះចំនួន៦៥ដង ចាញ់១៩ដង និងស្មើពិន្ទុ
ចំនួន៣ដង ។ជំនួបរវាងជើងខ្លាំងភ្នំដងរែកចាន់ សំអាតជាមួយផេត ម៉េតម៉ៃនរណាប្រជែងបានជ័យជំនះ ?
ជំនួបរវាងអ្នកប្រដាល់រួមជាតិវិញនោះ សោម ពិសិដ្ឋក្លិបអេភូថងកីឡា ប្រកួតជាមួយអ្នកប្រដាល់វ៉ៃអាង
កម្លាំងបាយនួន រ៉ាថេនក្លិបតាឯកដំបងដែកខេត្តព្រៃវែង ។
អ្នកប្រដាល់ទាំង២រូបនេះ ប្រកួតគ្នាក្នុងប្រភេទទម្ងន់៦០គីឡូក្រាម ។ពិសិដ្ឋ មិនសូវមានអ្នកស្គាល់នោះទេ
ចំណែករ៉ាថេន មានគេស្គាល់ច្រើន តែអ្នកប្រដាល់រូបនេះ មិនសូវជួបសំណាងល្អលើសង្វៀនឡើយ ។ការប្រកួតនេះ
មិនដឹងថា រ៉ាថេនឈ្នះឬចាញ់នោះទេ ។
ព្រឿង សុជាតិក្លិបកងពឡធំអន្តរាគមន៍លេខ២ ប្រកួតជាមួយអ្នកលេងជើងថ្មី នឹម ននមកពីក្លិបទ័ពឆ័ត្រ
យោង៩១១ ដោយប្រកួតគ្នា ក្នុងប្រភេទទម្ងន់៦០គីឡូក្រាម ។
កេរ្តិ៍ឈ្មោះរបស់នឹម ននមិនសូវអស្ចារ្យ ដូចសុជាតិទេ តែការប្រកួតរបស់គេភាគច្រើន បានទទួលជ័យជំនះ
ដែលក្នុងនោះមានការប្រកួត ជាច្រើនដែលនឹម ននផ្ដួលគូប្រកួតបានមុនទឹកទី៥ ។សម្រាប់ការជួបគ្នា ជាមួយសុ
ជាតិទំនង មិនស្រួលស៊ីនោះឡើយ ។
ខាំ វណ្ណៈក្លិបរ៉ាហាបន់ស្វាយប៉ាក ជួបប្រកួតជាមួយអ្នកប្រដាល់កណ្ដាប់ដៃថ្ម ពុទ្ធ ភារិន្ទក្លិបពុទ្ធសេរីវង្ស
ដោយប្រកួតគ្នា ក្នុងប្រភេទទម្ងន់៥៧គីឡូក្រាម ។សល់ សឹកក្លិបសាលវ័ន្ដកីឡា ប្រកួតជាមួយអ្នកប្រដាល់ម៉ន កំ
សត់ក្លិបការិយាល័យទី៥កងទ័ពជើងគោក ដោយប្រកួតគ្នាក្នុង ប្រភេទទម្ងន់៥៧គីឡូក្រាម ៕