កម្ពុជា-ចិនធ្វើសមយុទ្ធនាគមាសឆ្នាំ២០២០ រួមគ្នាប្រឆាំងភេរវកម្ម និងការងារមនុស្សធម៌
កំពត៖ សម្តេចពិជ័យសេនា ទៀ បាញ់ ឧបនាយករដ្ឋ មន្ត្រីរដ្ឋមន្ត្រីក្រសួងការពារជាតិ សូមអគុណចំពោះបក្ស-រដ្ឋាភិបាលកងទ័ពរំដោះប្រជាជនចិន ជានិច្ច កាលបានគាំទ្រនិងលេីកស្ទួយវិស័យហ្វឹកហ្វឺនរួមគ្នារវាងកងទ័ពប្រទេសទាំងពីរ ។
សម្តេចពិជ័យសេនា ទៀ បាញ់ ថ្លែងដូច្នេះក្នុងពិធី បិទសមយុទ្ធនាគមាស ឆ្នាំ២០២០ ក្រោមប្រធានបទ រួមគ្នាប្រឆាំងភេរវ កម្ម និងការងារមនុស្សធម៌ រវាងកងទ័ពកម្ពុជា-ចិន នៅនាថ្ងៃច័ន្ទ៧កេីត ខែចេត្រឆ្នាំកុរ ឯកស័កព.ស២៥៦៣ត្រូវនិងថ្ងៃទី ៣០ ខែមីនា ឆ្នាំ២០ ២០ ស្ថិតនៅទីលានបាញ់គ្រាប់ពិតតេជោសែនជុំគី របស់កងពលតូចថ្មើរ ជើងលេខ៧០ ក្នុងភូមិអូរ ឃុំត្រពាំងរាំង ស្រុកជុំគិរី ខេត្តកំពត ។
កងយោធពលខេមរភូមិន្ទ (ខ.ភ.ម)និងកងទ័ពរំដោះប្រជាជនចិន បើកនិងបិទសមយុទ្ធនាគមាស ឆ្នាំ២០២០ រួមគ្នាលើកទី៤ មានការអញ្ចេីញចូលរួមឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំកម្ពុជា។ សមយុទ្ធលើកទី ៤នេះ កងទ័ពរំដោះប្រជា ជនចិន បញ្ជូនកងទ័ពចូលរួមមានចំនួន ២៥៦នាក់ ដោយឡែក (ខ.ភ.ម)បញ្ជូនកម្លាំងចូលរួមចំនួន ២,៧៤៦នាក់ ក្នុងនោះមានកម្លាំងចូលរួមធ្វើសមយុទ្ធ ដោយផ្ទាល់មានចំនួន ៤៦៣ នាក់ ក្រៅពីនោះសុទ្ធតែជាកម្លាំងសម្រាប់ពិធីបើក និងបិទសមយុទ្ធ។
ចំពោះគ្រឿងបំពាក់សម្រាប់ធ្វើសមយុទ្ធនាគមាស ឆ្នាំ ២០២០ នេះ គឺភាគី(ខ.ភ.ម)ប្រើប្រាស់ឧទ្ធម្ភាគចក្រចំនួន៤គ្រឿង រថ ក្រោះT៥៥ ចំនួន១០គ្រឿង រថពាសដែក DMT១ ចំនួន ១២ គ្រឿង និងកាំភ្លើងធំ ១២២ D៣០ ចំនួន៦គ្រឿង ព្រមទាំងកាំ ភ្លើងត្បាល់ចំនួន ១២ដើម រួមជាមួយនឹងកាំភ្លើងស្វ័យ ប្រវត្តិជា ច្រើនដើមទៀត ឧបករណ៍សម្រាប់ស៊ើបការណ៍ សម្រាប់ដោះមីនសម្រាប់រំដោះចំណាត់ខ្មាំង និងឧបករណ៍សម្រាប់បន្សាបសារធាតុគីមីជាដើម។
ដោយឡែកកងទ័ពរំដោះប្រជាជនចិន ប្រើប្រាស់ឧទ្ធម្ភាគចក្រ ចំនួន ៦គ្រឿង កាំភ្លើងធំ ១២២ D៣០ ចល័ត ចំនួន ៣ដើម រថពាសដែក ចំនួន ៩គ្រឿង ព្រមទាំងគ្រឿងយន្តដទៃ ទៀត សម្រាប់បម្រើដល់ការងារសមយុទ្ធនាគមាស ឆ្នាំ២០២០ នេះ ចំនួន២៨គ្រឿង និងឧបករណ៍ជាច្រើនទៀត។
នេះជាលើកទី៤ហើយ ដែលកងទ័ពកម្ពុជា-ចិន ធ្វើលំហាត់នាគមាសរួមគ្នា។ លើកទី១ នៅឆ្នាំ២០១៦ និងលើកទី២ នៅឆ្នាំ២០១៨ លើកទី៣ នៅឆ្នាំ ២០១៩។ ចំណែកលទ្ធភាពនៃការធ្វើសមយុទ្ធក៏កាន់តែធំឡើងពីមួយឆ្នាំទៅមួយឆ្នាំ ។ គួរបញ្ជាក់ផងដែរថាៈ សមយុទ្ធនាគមាស ឆ្នាំ២០២០ ព្រឹត្តទៅចាប់ពីថ្ងៃទី ១៥ ដល់ថ្ងៃទី ៣០ ខែ មីនា ឆ្នាំ ២០២០ ផងដែរ ៕ សំរិត
