កម្លាំងមូលដ្ឋានកងរាជអាវុធហត្ថស្រុកឱរ៉ាល់ សហការបង្រ្កាបគោយន្តដឹកឈើគ្មានច្បាប់
កំពង់ស្ពឺ៖ នៅថ្ងៃទី២០ ខែមេសា ឆ្នាំ២០២០ នៅចំណុចលើផ្លូវលេខ៤៤ ចន្លោះគីឡូម៉ែត្រលេខ(៤៩-៥០) ស្ថិតក្នុងភូមិគោក ឃុំសង្កែសាទប ស្រុកឱរ៉ាល់ កម្លាំងមូលដ្ឋានកងរាជអាវុហត្ថស្រុកឱរ៉ាល់ ដឹកនាំដោយលោកវរសេនីយ៍ទោ សោម ពុទ្ធតារា មេបញ្ជាការ បានសហការបង្ក្រាបបទល្មើសធនធានធម្មជាតិ ជាមួយកម្លាំងកងរាជអាវុធហត្ថលើផ្ទៃប្រទេស និងកម្លាំង នគរបាលសេដ្ឋកិច្ច នៃអគ្គស្នងការដ្ឋាននគរបាលជាតិ បានចាប់គោយន្តកន្ត្រៃពណ៌ក្រហម ដឹកឈើអារប្រភេទគ្រឿង ចម្រុះគ្មានច្បាប់អនុញ្ញាតិ ។
បច្ចុប្បន្ន ឈើនិងគោយន្ត យកមករក្សាទុកជាបណ្តោះអាសន្ន នៅមូលដ្ឋានកងរាជអាវុធហត្ថស្រុកឱរ៉ាល់ (មិនទាន់បានវាស់វែង) រង់ចាំប្រគល់ឲ្យកម្លាំងជំនាញផ្នែករដ្ឋបាលព្រៃឈើឱរ៉ាល់ ដើម្បីចាត់ការបន្តតាមនីតិវិធី ៕
