វ៉ាក់សាំងបង្ការជំងឺ COVID-19 ឈ្មោះ Sputnik V របស់រុស្ស៊ីមានប្រសិទ្ធភាពជាង ៩០%
មន្ត្រីមួយរូបតំណាងឲ្យក្រសួងសុខាភិបាល បាននិយាយកាលពីថ្ងៃច័ន្ទ ដោយផ្អែកលើទិន្នន័យប្រមូល បានពីការសាកល្បងវ៉ាក់សាំងលើសាធារណជន ជាជាងបានមកពីការសាកល្បងដែលនៅតែបន្តថា វ៉ាក់សាំងបង្ការជំងឺ COVID-19 ឈ្មោះ Sputnik V របស់រុស្ស៊ីមានប្រសិទ្ធភាពជាង ៩០%។ ការអត្ថាធិប្បាយទាំងនេះមានឡើង ក្រោយការចេញសេចក្ដីថ្លែងការណ៍មួយកាលពីព្រឹកថ្ងៃច័ន្ទ ដោយក្រុមហ៊ុនផលិតឱសថ Pfizer និងក្រុមហ៊ុន BioNTech ដែលបាននិយាយថា ការសាកល្បងវ៉ាក់សាំងបង្ការជំងឺ COVID-19 របស់ខ្លួនមានប្រសិទ្ធភាពជាង ៩០%។ លោក Oksana Drapkina នាយកវិទ្យាស្ថានស្រាវជ្រាវក្រោមឱវាទក្រសួងសុខាភិបាល បាននិយាយនៅក្នុងសេចក្ដីថ្លែងការណ៍មួយថា យើងទទួលខុសត្រូវចំពោះការតាមដានពីប្រសិទ្ធភាព របស់វ៉ាក់សាំងបង្ការជំងឺ COVID-19 Sputnik V ក្នុងចំណោមពលរដ្ឋដែលបានចាក់វ៉ាក់សាំងនេះ ជាផ្នែកមួយនៃកម្មវិធីចាក់វ៉ាក់សាំងទ្រង់ទ្រាយធំ។
