អាមេរិក បានឯកភាពលក់សព្វាវុធទំនើប ដែលមានតម្លៃ ២៣.៣៧ពាន់លានដុល្លារទៅអោយអារ៉ាប់រួម
កាលពីថ្ងៃអង្គារិ៍ រដ្ឋមន្ត្រីក្រសួងការបរទេសសហរដ្ឋអាមេរិកលោក Pompeo បាននិយាយថា រដ្ឋបាលរបស់លោកTrump បានប្រាប់ទៅសភាថា ខ្លួនបានឯកភាពការលក់សព្វាវុធទំនើបដែលមានតម្លៃ ២៣.៣៧ពាន់លានដុល្លារទៅឱ្យប្រទេសអារ៉ាប់រួមដែលក្នុងនោះរួមមានយន្តហោះទំនើប F-35 និងយន្តហោះដែលគ្មានមនុស្សបើក ។
សេចក្តីប្រកាសជាផ្លូវការនេះគឺធ្វើឡើងបន្ទាប់ពីមានកិច្ចព្រមព្រៀងដែលសំរបសំរួលដោយសហរដ្ឋអាមេរិកកាលពីខែកញ្ញា ដែលក្នុងនោះប្រទេសអារ៉ាប់រួមបានចុះហត្ថលេខា ដើម្បីបង្កើតចំណងមិត្តភាពជាធម្មតាឡើងវិញជាមួយអ៊ីស្រាអែល ប្រទេសអារ៉ាប់រួមគឺជាប្រទេសដំបូងគេ នៃរដ្ឋរបស់អារ៉ាប់ទាំងបីដែលអនុវត្តបែបនេះនាពេលប៉ុន្មានខែថ្មីៗនេះ។
ក្នុងសេចក្តីថ្លែងការណ៍ លោក Pompeo បាននិយាយថា “នេះជាការទទួលស្គាល់មួយនៃចំណងមិត្តភាពដ៏ជ្រាលជ្រៅរបស់ពួកយើង ហើយប្រទេសអារ៉ាប់រួមត្រូវការបង្កើនសមត្ថភាពក្នុងការការពារ ទប់ទល់ទៅនឹងការគំរាមកំហែងយ៉ាងខ្លាំងពីអ៊ីរ៉ង់ ” ៕