អភិបាលខណ្ឌដង្កោចុះថ្លែងអំណរគុណប្រជាពលរដ្ឋនៅសង្កាត់ទៀន, បានបោះឆ្នោតគាំទ្រគណបក្សប្រជាជនកម្ពុជា
ភ្នំពេញ៖កាលពីថ្ងៃ៧ ខែសីហា ឆ្នាំ២០១៨ លោក នុត ពុធដារ៉ា ជំនួយការសម្តេចតេជោ នាយករដ្ឋមន្ត្រី និងជាអភិបាលខណ្ឌដង្កោ បានចុះថ្លែងអំណរគុណប្រជាពលរដ្ឋនៅសង្កាត់ទៀនខណ្ឌដង្កោ ដែលបានបោះឆ្នោតគាំទ្រគណបក្សប្រជាជនកម្ពុជា ឲ្យទទួលបានជ័យជម្នះភ្លូកទឹកភ្លូកដី ក្នុងការបោះឆ្នោតកន្លងទៅ។
ក្នុងឱកាសនោះលោកអភិបាលខណ្ឌបានសន្យាថា៖ ក្នុងអណត្តិរដ្ឋាភិបាលថ្មីនេះលោកនឹងបន្តធ្វើការអភិវឌ្ឍន៍ ភូមិស្រុកនិងសង្កាត់បងប្អូនដូចជាការកសាងហេដ្ឋារចនាសម្ព័ន្ធផ្លូវថ្នល់ ប្រពន្ធប្រឡាយលូរំដោះទឹកជូនប្រជាពលរដ្ឋបន្ថែមទៀតពិសេសជុះរុញការផ្ដល់សេវាសាធារណៈជូនប្រជាពលរដ្ឋឱ្យបានលឿនជាងមុនព្រមទាំងដោះស្រាយ សំណូមពរនិងសេចក្ដីត្រូវការរបស់ពលរដ្ឋជាបន្តបន្ទាប់ទៀត៕
