មេដឹកនាំនៅអឹរ៉ុបនាំ គ្នាចត្តាឡឹស័កខ្លួនឯង បន្ទាប់ពីប្រធានាធិបតីបារាំងឆ្លងកូវីដ

បរទេស៖ ទីភ្នាក់ងារពត៌មានបរទេសផ្សាយថាបន្ទាប់តែពី លោកម៉ាក្រូន ប្រធា​នាធិបតីបារាំងរកឃើញថាបានឆ្លងជំងឹកូវីដមក បានផ្អើលដល់ក្រុមមេដឹកនាំនៅអឹរ៉ុប មន្រ្តីជាន់ខ្ពស់បារាំង និងមន្រ្តីជិតស្នឹទ្ធនាំគ្នាធ្វើ​ចត្តាឡឹស័ក​ដោយខ្លួនឯង ក្នុងនោះមានលោកPedro Sánchezនាយករដ្ឋមន្រ្តីអេស្ប៉ាញ លោកCharles Michelប្រធានសភាអឹរ៉ុប លោកAntónio Costaនាយករដ្ឋមន្រ្តីព័រទុយហ្គាល លោកJean Castexនាយករដ្ឋមន្រ្តីបារាំង លោកRichard Ferrandអ្នកនាំពាក្យសភាបារាំង ។ក្រៅពីនេះលោកAlexander De Crooនាយករដ្ឋមន្រ្តីបែលហ្សិច លោកXavier Bettelនាយករដ្ឋមន្រ្តីលុចហ្សំប៊ួរ ក៏ធ្វើចត្តាឡឹស័កខ្លួនឯងដែរ ព្រោះសុទ្ធតែបានទំនាក់ទំនងជាមួយលោកប្រធានាធិបតីបារាំង។

គួរបញ្ជាក់ដែរថាលោកប្រធានាថិបតីបារាំងម៉ាក្រូន កាលពីថ្ងៃទី១០​និង១១ធ្នូ បានធ្វើដំណើរទៅទីក្រុងប្រ៊ុយស៊ែល ដើម្បីចូលរួមប្រជុំជាមូយមេដឹកនាំអឹរ៉ុបដែលរៀបចំដោយសភាអឹរ៉ុប៕