សមត្ថកិច្ចនគរបាលប៉ុស្តិ៍រដ្ឋបាល សង្កាត់កោះដាច់ឃាត់ខ្លួន ជនសង្ស័យមួយនាក់ពាក់ព័ន្ធករណីជួញដូរគ្រឿងញៀន

ភ្នំពេញ៖នៅព្រឹកថ្ងៃ១៨ខែធ្នូឆ្នាំ២០២០ កម្លាំងសមត្ថកិច្ចនគរបាលប៉ុស្តិ៍រដ្ឋបាលសង្កាត់កោះដាច់បានធ្វើការឃាត់ខ្លួនជនសង្ស័យ ០១នាក់ ពាក់ព័ន្ធករណីជួញដូរគ្រឿងញៀន នៅភូមិក្បាលកោះ សង្កាត់កោះដាច់ ខណ្ឌជ្រោយចង្វារ ។
ក្នុងប្រតិបត្តិការបង្រ្កាប កម្លាំងគណៈបញ្ជាការឯកភាពសង្កាត់កោះដាច់ បានឃាត់ខ្លួនជនសង្ស័យ ឈ្មោះ ពត ឡា ភេទប្រុស អាយុ ៣៥ឆ្នាំ មុខរបរជាជាងសំណង់ មានទីលំនៅបច្ចុប្បន្នស្ថិតនៅភូមិក្បាលកោះ សង្កាត់កោះដាច់ ខណ្ឌជ្រោយចង្វារ រាជធានីភ្នំពេញ រួមជាមួយវត្ថុតាងដកហូតរួមមាន ៖ ម្សៅក្រាមពណ៌សថ្លា ចំនួន ៥កញ្ចប់តូច។
បច្ចប្បន្នជនសង្ស័យ និងវត្ថុតាង ត្រូវបានកម្លាំងសមត្ថកិច្ចប៉ុស្តិ៍សង្កាត់កោះដាច់ កសាងសុំណុំរឿងបញ្ជូនទៅអធិការដ្ឋាននគរបាលខណ្ឌជ្រោយចង្វារ ដើម្បីចាត់ការតាមនីតិវិធីបន្ត៕