ក្រុមហ៊ុនចិននងថៃរួមគ្នាបង្កើតរោងចក្រផលិតរថយន្តក្រុងខ្នាតតូច(Mini Bus) ដោយប្រើបច្ចេកវិទ្យាទំនើប

ភ្នំពេញ៖នៅរសៀលថ្ងៃទី ០៩ ខែសីហា ឆ្នាំ២០១៨ លោកហែម ដារិទ្ធិ អភិបាលខណ្ឌពោធិសែនជ័យបានជួបសំណេះសំណាលជាមួយក្រុមវិនិយោគិន មកពីប្រទេសចិន និងប្រទេសថៃឡង់ដ៍ ដឹកនាំដោយ Mr. Henry Chan Chairman Vigor Plastic Co.,Ltd និង Ms. Nalin thorn Director White Swang Group ។

លោកអភិបាលខណ្ឌបានថ្លែងថា៖ការជួយសំណេះសំណាលនេះ គឺផ្តោតសំខាន់ទៅលើឱកាសវិនិយោគរបស់ក្រុមហ៊ុនទាំង២ នៅក្នុងខណ្ឌពោធិ៍សែនជ័យយើង ដែលនឹងបង្កើតរោងចក្រផលិតរថយន្តក្រុងខ្នាតតូច(Mini Bus) ដោយប្រើបច្ចេកវិទ្យាទំនើប ដើម្បីចែកចាយនៅតំបន់អាស៊ី ក៏ដូចជាប្រទេសកម្ពុជាយើងផងដែរ ៕