ឡានតាក់ស៊ី បុកនារីម្នាក់ស្លាប់

ភ្នំពេញ៖ នារីម្នាក់ស្លាប់បន្ទាប់ពីជិះម៉ូតូទៅជួបគូដណ្ដឹង ដេីម្បីទៅយកធៀបហៅភ្ញៀវ បែរជាត្រូវរថយន្តបុកកិនស្លាប់យ៉ាងរន្ធត់ នៅមុខច្រកបុរីប៉េងហួតផ្លូវ២១៧ កាលពីវេលាម៉ោងប្រហែលជា០៨:០០នាទីយប់ ថ្ងៃទី២៣ ខែមករា ឆ្នាំ២០២១ នៅតាមបណ្តោយផ្លូវ២១៧ ស្ថិតក្នុងសង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។

នារីដែលស្លាប់ខាងលើបង្កដោយសាររថយន្តម៉ាក ALPHARD ពណ៌ស ពាក់ស្លាកលេខភ្នំពេញ 2BJ-2004 បេីកបរដោយបុរសម្នាក់ បើកបុករះម៉ូតូ២គ្រឿងហើយកិនពីលើនារីជនរងគ្រោះស្លាប់នៅនឹងកន្លែងតែម្តង ដោយដំបូងឡេីយ​រថយន្តបង្កបេីកប៉ះរថយន្តមួយគ្រឿង​ នៅមុខវត្តសំបួរមាស ហេីយមិនព្រមឈប់ទេ​ បានបេីករត់គេចខ្លួនទាំងភ័យ​ស្លន់ស្លោ​ទៅបុកប៉ះរថយន្ត កាម៉ារី​មួយគ្រឿងទៀត​ ហេីយនៅតែមិនឈប់ទៀត​ បានបន្តបេីករត់គេចមកដល់​កន្លែងកេីតហេតុខាងលេី​ រហូតបន្តទៅបុកម៉ូតូហុងដាឌ្រីមសង់ សេ១២៥ ពណ៌ខ្មៅ ពាក់ស្លាកលេខតាកែវ 1N-8939 រងការខូចខាងយ៉ាងដំណំ ចំណែកបុរសជាអ្នកបើកម៉ូតូរបួសស្រាល ហើយបន្តបុកម៉ូតូហុងដាស្កុបពី ពណ៌ស ពាក់ស្លាកលេខ ភ្នំពេញ 1II-9166 បើកបរដោយនារីម្នាក់ ដែលជាជនរងគ្រោះស្លាប់ខាងលើ ដោយរថយន្តកិនពីលើជនរងគ្រោះ ស្លាប់នៅនឹងកន្លែងកើតហេតុតែម្តង ហើយប្រភពពីគ្រួសារសពបានបញ្ជាក់ថា នារីជនរងគ្រោះខាងលើជិតដល់ថ្ងៃចូលរោងការផងដែរ ។

ជនរងគ្រោះអ្នកបើកបរម៉ូតូមានឈ្មោះ លឹម ស្រីហេង ភេទស្រី  អាយុ២៨ឆ្នាំ ស្នាក់នៅ បុរីពិភពថ្មីចំកាដូង ខណ្ឌដង្កោ រាជធានីភ្នំពេញ។ ចំណែកបុរសអ្នកបើកបររថយន្ត ត្រូវបាន ត្រូវបានសមត្តកិច្ចចាប់ ឃាត់ខ្លួនបានឈ្នោះ គួង ស៊ីថន  អាយុ41  មុខរបរអ្នករត់តាត់ស៊ី។

គណនីហ្វេសប៊ុក Mrr Heang បានសរសេររៀបរាប់ថា
នេះហើយជារថយន្តជនបង្ក(រថយន្តតាក់ស៊ី )បើកបុករះគេ ស្លាប់ ដែលទើបតែទិញជិះ កាលពីថ្ងៃទី3ធ្នូ ឆ្នាំ2020 ប៉ុន្តែយប់នេះម្ចាស់ វាផឹកជ្រុលស្រវឹងធ្លាក់ភ្នែកបន្តិច អត់ គិតរកកន្លែងសម្រាកគេងអោយស្វាងស្រាទេ បែរជាឆ្លៀតមក បើករថយន្តនិងបុករះអ្នកដំណើរផ្សេងៗទៀត ពីរបីកន្លែង ពេញផ្លូវចំការដូង បណ្តាលអោយនារីយ៉ាងស្រស់ស្អាតម្នាក់ ស្លាប់ភ្លាមៗ នៅផ្លូវ217 ទល់មុខច្រកចូលបុរីប៉េងហួត ក្បែរ និងច្រមុះជ្រូកស្ទឹងមានជ័យ ។

បច្ចុប្បន្ន សពជនរងគ្រោះ ប្រគល់ជូនក្រុមគ្រួសារ ដើម្បីធ្វើបុណ្យតាមប្រពៃណី ចំណែកអ្បកបើកបររថយន្តបង្ករនិងវត្ថុតាងត្រូវបានបញ្ជូនទៅការិយាល័យចរាចរ រាជធានីភ្នំពេញដើម្បីកសាងសុំណុំរឿងបញ្ជូនទៅកាន់តុលាការផន្ទាទោសតាមនិតិវិធីច្បាប់៕