យុវជនម្នាក់ត្រូវរថភ្លេីងបុកស្លាប់ ខណៈកំពុងថតវីដេអូ Tiktok តាមផ្លូវដែក
ប៉ូលីសនិងក្រុមមន្រ្តីជួយសង្គ្រោះបាននិយាយកាលពីថ្ងៃសៅរ៍ថា មានយុវជនម្នាក់ត្រូវរថភ្លើងបុកបណ្តាលអោយស្លាប់ ខណៈកំពុងត្រូវបានគេថតនៅតាមបណ្តោយផ្លូវសម្រាប់ TikTok នៅប្រទេសប៉ាគីស្ថាន។
គ្រោះថ្នាក់នេះបានកើតឡើងកាលពីថ្ងៃសុក្រ នៅសង្កាត់ Shah Khalid នៃទីក្រុង Rawalpindi ជិតរដ្ឋធានីអ៊ីស្លាម៉ាបាដ។
អ្នកនាំពាក្យរបស់ទីភ្នាក់ងារជួយសង្គ្រោះក្នុងតំបន់បានប្រាប់ AFP ថាយុវជនរងគ្រោះមានឈ្មោះ Hamza Naveed អាយុ ១៨ ឆ្នាំកំពុងដើរនៅក្បែរផ្លូវដែកខណៈមិត្តភក្តិម្នាក់ថតគាត់ ខណៈនោះស្រាប់តែរថភ្លេីងបានមកដល់និងបុកយុវជននោះតែម្តង។
ភ្លាមៗក្រោយកេីតហេតុ ក្រុមអ្នកជួយសង្គ្រោះបានប្រញាប់ប្រញាល់ទៅកាន់កន្លែងនោះ ប៉ុន្តែយុវជននោះបានស្លាប់បាត់ទៅហើយ៕
