រថយន្តបុកម៉ូតូ ស្លាប់ម្នាក់
ស្ទឹងត្រែង ៖ បុរសម្នាក់ស្លាប់ ដោយសារតែរថយន្តបុកម៉ូតូ នៅត្រង់ចំណុចវាលរំពេរ៍ ភូមិកាតូត ឃុំកំភុន ស្រុកសេសាន ខេត្តស្ទឹងត្រែងវេលាម៉ោងជិត ១២ យប់ថ្ងៃទី ២៤ ខែមករា ឆ្នាំ២០២១។
បើតាមការបញ្ចាក់ក្នុងរបាយការណ៍សមត្ថកិច្ចឲ្យដឹងថា រថយន្តបើកបរក្នុងល្បឿនលឿន មិនប្រយ័ត្នបានទៅបុកម៉ូតូពេញទំហឹង បណ្តលឲ្យម៉ូតូម៉ាកហុងដាទ្រីមសង់សេ១២៥ ពណ៌ខ្មៅ ពាក់ស្លាកលេខស្ទឹងត្រែង 1A.9637 ខូចខាតទាំងស្រុង។ អ្នកបើកបរម៉ូតូឈ្មោះកែវ រ៉ា ភេទប្រុសអាយុ ២៣ឆ្នាំរស់នៅភូមិឃុំកើតហេតុខាងលើ ស្លាប់ភ្លាមៗនៅនឹងកន្លែង។
ចំណែករថយន្តបង្កមិនបានស្គាល់អត្តសញ្ញាណ ក្រោយបង្កហេតុរួច ក៏បើករត់គេចខ្លួនបាត់តែម្តង។ ក្រោយកើតហេតុសពជនរងគ្រោះត្រូវបានប្រគល់ទៅឲ្យក្រុមគ្រួសារ៕
