នគរបាលខណ្ឌប្ញស្សីកែវ ឃាត់ខ្លួនជនសង្ស័យម្នាក់ ករណីលួចម៉ូតូ
ភ្នំពេញ ៖ នគរបាលខណ្ឌប្ញស្សីកែវ ឃាត់ខ្លួនសង្ស័យម្នាក់ ពីបទលួច ម៉ូតូម៉ាកហុងដាវេវ ថ្ងៃទី២៤ ខែមករា ឆ្នាំ២០២១ វេលាម៉ោង២ និង៣០នាទី នៅចំណុចផ្ទះលេខ ផ្លូវជាតិ5 ក្រុមទី១០ ភូមិស្ពានខ្ពស់ សង្កាត់គីឡូម៉ែត្រលេខ6 ខណ្ឌឫស្សីកែវ រាជធានីភ្នំពេញ។
ជនសង្ស័យ ឈ្មោះ ពេជ្រ រចនារ៉ាឌី ហៅឌី ភេទប្រុស អាយុ ២១ឆ្នាំ របរមិនពិតប្រាកដ ស្នាក់នៅផ្ទះជួល ផ្លូវបេតុង ក្រុម៣ ភូមិស្ពានខ្ពស់ សង្កាត់គីឡូម៉ែត្រ៦ ខណ្ឌឬស្សីកែវ រាជធានីភ្នំពេញ មានសារធាតុញៀន(ឃាត់ខ្លួន)។
ជាមួយគ្នានេះ នគរបាលបានដកហូតវត្ថុតាងម៉ូតូ ១គ្រឿង ម៉ាកហុងដាវេវ ពណ៌ខ្មៅ គ្មានស្លាកលេខ ។
សមត្ថកិច្ចបញ្ជាក់ថា នៅថ្ងៃទី២៤ ខែមករា ឆ្នាំ២០២១ វេលាម៉ោង២ និង៣០នាទី មានករណីចោរលួចម៉ូតូចំនួនមួយគ្រឿង នៅចំណុចកើតហេតុខាងលើ ក្រោយមកជនរងគ្រោះពុំបានមកដាក់ពាក្យបណ្តឹងឡើយ លុះដល់វេលាម៉ោង៣ និង៣០នាទីទៀបភ្លឺ ថ្ងៃទី២៦ ខែមករា ឆ្នាំ២០២១ ពេលកំលាងសមត្ថកិច្ចល្បាតតាមផ្លូវ ឃើញជនសង្សយ័កំពុងធ្វើដំណើរ ដោយមានការសង្សយ័បានសួរនាំ ក្រោយសាកសួរជនសង្សយ័បានសារភាពថាម៉ូតូខាងលើរូបខ្លួនជាអ្នកធ្វើសកម្មភាពលួចមែន និងបានដោះស្លាកលេខបោះចូលក្នុងលូបាត់។
បច្ចុប្បន្នជនសង្ស័យ និងវត្ថុតាងបានកសាងសំណុំរឿងបញ្ជូនទៅសាលាដំបូងរាជធានីភ្នំពេញអនុវត្តទៅតាមនីតិវិធីច្បាប់៕
