អាជ្ញាធរខណ្ឌច្បារអំពៅ ចុះបាញ់ទឹកលាងសម្អាត ស្ពានព្រះមុនីវង្សចាស់ទាំងយប់
ភ្នំពេញ៖ដោយមានការយកចិត្តទុកដាក់ខ្ពស់ពីបញ្ហាអនាម័យ បរិស្ថាន ក្នុងមូលដ្ឋានអោយបានល្អប្រសើរកាលពីម៉ោង១១យប់នាថ្ងៃទី២៧ខែមករាឆ្នាំ២០២១នេះលោកអភិបាលខណ្ឌច្បារអំពៅចេង មុនីរ៉ា.លោករស់ សុភ័ក្ត្រ អភិបាលរងខណ្ឌ.លោកឡូ ភារម្យ អធិការរងខណ្ឌច្បារអំពៅ លោកយិន វុធ ចៅសង្កាត់ច្បារអំពៅទី២ព្រមទាំងកម្លាំងប្រជាការពារខណ្ឌ.សង្កាត់ជាច្រើននាក់ចុះទៅបាញ់ទឹកលាងសម្អាតនៅលើស្ពានព្រះមុនីវង្សចាស់អោយស្អាតល្អប្រសើរផងដែរ។
ខណៈពេលលោកអភិបាលខណ្ឌច្បារអំពៅចេង មុនីរ៉ា ដឹកនាំកម្លាំងចម្រុះបាញ់ទឹកលាងសម្អាតនៅលើស្ពានព្រះមុនីវង្សចាស់នាពេលកណ្ដាលយប់ដោយមិនគិតពីការនឿយហត់ពោលគឺសប្បាយរីករាយការងារសង្គមដោយលៃលកធ្វើយ៉ាងណាអោយមូលដ្ឋានខណ្ឌច្បារអំពៅមានអនាម័យ បរិស្ថានល្អ ប្រសើរមិនប៉ះពាល់សុខភាពប្រជាជនពិសេសអ្នកដំណើរឆ្លងកាត់ស្ពានព្រះមុនីវង្សផងដែរហើយរាល់សកម្មភាពការងារអាជ្ញាធរច្បារអំពៅនាសព្វថ្ងៃនេះគឺមហាជនទូទៅគាត់មានការគាំទ្រផងដែរហើយធ្វើអោយខណ្ឌច្បារអំពៅប្រែមុខមាត់ថ្មី។
គួររំលឹកផងដែរថាជានិច្ចកាលលោកអភិបាលខណ្ឌច្បារអំពៅចេង មុនីរ៉ា តែងតែដឹកនាំកម្លាំងចុះទៅបាញ់ទឹកលាងសម្អាតផ្លូវថ្នល់នៅក្នុងមូលដ្ឋានខណ្ឌច្បារអំពៅអោយបានល្អប្រសើរពិសេសផ្លូវថ្នល់ក្រោយពីស្ថាបនារួចគឺបាញ់ទឹកលាងសម្អាតផ្លូវតួរយ៉ាងដូចជាសកម្មភាពការងារចុះបាញ់ទឹកលាងសម្អាតស្ពានព្រះមុនីវង្សចាស់នាយប់មិញនេះជាដើម៕
