លោកស្រី ម៉ែន សំអន ៖ កត្តាសុខសន្តិភាព និងសុខុដុមនីយកម្មផ្នែកសាសនា បានផ្តល់ឱកាសដល់ពលរដ្ឋគ្រប់រូប មានសិទ្ធធ្វើបុណ្យ គោរពប្រតិបត្តិ ទៅតាមជំនឿរៀងៗខ្លួន
កណ្ដាល៖ លោកស្រី កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ ទំនងជាមួយ-រដ្ឋសភា ព្រឹទ្ធសភា និងអធិការកិច្ច បានអញ្ជើញ និងថ្វាយបង្គំព្រះបារមសារីរិកធាតុ និងពិធីរាប់បាត្រព្រះសង្ឃ ចំនួន១១៨អង្គ និង យាយជី តាជី៣០០នាក់ ពុទ្ធមណ្ឌលវិប្បសនាធុរៈ នៃព្រះរាជាណាចក្រកម្ពុជា ស្ថិតនៅក្នុង ឃុំផ្សារដែក ស្រុកពញ្ញាឮ ខេត្តកណ្តាល នាព្រឹកថ្ងៃអាទិត្យ៣ រោច ខែមាឃ ឆ្នាំជូតទោស័កព.ស.២៥៦៤ត្រូវនឹងថ្ងៃទី៣១ ខែមករា ឆ្នាំ២០២១ ។
ឆ្លៀតនៅក្នុងឱកាសនោះ ក៏មានការអញ្ជើញចូលរួមពីសំណាក់ អគ្គមហាឧបាសិកា ពុទ្ធសាសនាឧបត្ថម្ភលោក សុខ អ៊ីម លោក ស្រីឧកញ៉ា ឯកឧត្តមឧកញ៉ា លោកស្រី ជាភរិយាថ្នាក់ដឹកនាំ និងពុទ្ធបរិស័ទ្ធបានចូលរួមក្នុងពិធី នោះផងដែរ ។
ក្រោមការដឹកនាំប្រកបដោយកិត្តិបណ្ឌិតរបស់សម្តេចតេជោ ហ៊ុន សែន បានដឹកនាំឱ្យប្រទេសកម្ពុជា មាននូវឯករាជ អធិបតេយ្យភាព និងបូរណភាពទឹកដី ដែលធ្វើឲ្យប្រជា ជនកម្ពុជាទូទាំងប្រទេស បាននិងកំពុងរស់នៅក្នុងសុខសន្តិភាព សុខដុមរមនាសំបូរសប្បាយ និងពោរពេញទៅដោយមោទនភាព ចំពោះសមិទ្ធផលយ៉ាងច្រើនសន្ធឹកសន្ធាប់ ដែលសម្រេចបានក្នុងរយៈពេលកន្លងមកនេះ។
ឈរលើមូលដ្ឋាននៃសុខសន្តិភាព កម្ពុជាកំពុងមានការអភិវឌ្ឍន៍លើគ្រប់វិស័យ និងកំណើន សេដ្ឋកិច្ចខ្ពស់ ហើយជីវភាពរស់នៅរបស់ប្រជាជនកម្ពុជា កាន់តែមានភាពប្រសើរឡើងជាលំដាប់ ក្នុងនោះវិស័យព្រះពុទ្ធសាសនាក៏មានការរីកចម្រើនគួរឲ្យកត់សម្គាល់ផងដែរ ដែលបានផ្តល់ឱកាសដល់ពលរដ្ឋគ្រប់រូប មានសិទ្ធធ្វើបុណ្យ គោរពប្រតិបត្តិ ទៅតាមជំនឿរៀងៗខ្លួន តាមបែប្រពៃណីខ្មែរ ។
តាមរយៈ ការចូលរួមរបស់ លោកស្រី លោក ឧកញ៉ា លោក លោកស្រី មន្ត្រីរាជការ និងពុទ្ធបរិស័ទជិតឆ្ងាយ ក្នុងថ្ងៃនេះ បាន បង្ហាញឲ្យឃើញអំពីទឹកចិត្តសទ្ធាជ្រះថ្លារបស់ប្រជាពលរដ្ឋខ្មែរទូទៅ ក្នុងការជ្រោមជ្រែ ងវិស័យព្រះពុទ្ធសាសនាឲ្យកាន់តែមាន ភាពរីកចម្រើនថែមមួយកម្រិតទៀតស្របតាម រដ្ឋធម្មនុញ្ញនៃព្រះរាជាណាចក្រកម្ពុជា ដែលចែងថា ពុទ្ធសាសនា ជាសាសនារបស់រដ្ឋ៕. សំរិត
