៥នាក់ស្លាប់ និង១០នាក់ទៀតរងរបួសធ្ងន់ ដោយសាររថយន្ត២គ្រឿងបុកគ្នា
ខេត្តកំពង់ធំ ៖ ស្លាប់៥នាក់ និង១០នាក់ផ្សេងទៀតរងរបួសធ្ងន់ ក្នុងករណីគ្រោះចរាចរណ៍រថយន្តបែនដឹកដី រ៉េចង្កូតទៅបុករថយន្តសាំងយ៉ុងដឹកអ្នកដំណើរពេញទំហឹងក្នុងទិសដៅបញ្រ្ចាសគ្នា នៅវេលាម៉ោងជាង៥ល្ងាចថ្ងៃទី០៣ ខែមីនាឆ្នាំ ២០២១ តាមបណ្តោយផ្លូវលេខ៦ ផ្លូវអាស៊ានវាងផ្សារកំពង់ថ្ម ស្ថិតភូមិទួល សង្កែ ឃុំកំពង់ថ្ម ស្រុកសន្ទុក ខេត្តពង់ធំ។
តាមប្រភពព័ត៌មានពីអាជ្ញាធរមូលដ្ឋាននៃកន្លែងកើតហេតុឲ្យដឹងថា គេសង្ស័យគ្រោះថ្នាក់អាចបណ្តាលមកពីរថយន្តសាំងយ៉ុងចេញពីត្បូងទៅជើង ឯរថយន្តបែនចាក់ដីអស់ ចេញពីជើងទៅត្បូងទិសដៅច្រាស់គ្នា ខណៈនោះរថយន្តដឹកដីក៏រ៉េចង្កូតទៅបុករថយន្តសាំងយ៉ុងពេញទំ ហឹងតែម្តង។
តាមប្រភពដដែលបានឲ្យដឹងទៀតថាជន រង គ្រោះក្នុងហេតុការណ៍គ្រោះថ្នាក់ចរា ចរណ៍ខាងលើនេះ ទី១-ជនរងគ្រោះជាអ្នកបើកបររថយន្តសាំងយ៉ុង ឈ្មោះ តិច ចាន់វាសនា ភេទប្រុសអាយុ៤៣ឆ្នាំ ស្លាប់នៅកន្លែងកើតហេតុ មានទីលំភូមិវាល ឃុំសាន់គរ ស្រុកំពង់ស្វាយ ខេត្ត កំពង់ធំ ។ ទី២-អ្នកបើកបររថយន្តបែនដឹកដី ឈ្មោះ ឃួង ស្រ៊ាន់ ភេទប្រុសអាយុ ២៥ឆ្នាំ មានទីលំនៅភូមិ ស្រឡៅតូង ឃុំបល្ល័ង្គស្រុកបារាយណ៍ ខេត្តកំពង់ធំ ។ទី៣-នារីរងគ្រោះឈ្មោះ ម៉េត សៀងលួន អាយុ ៣១ ឆ្នាំ មានទីលំនៅភូមិវាលឃុំសាន់គរ ស្រុកកំពង់ ស្វាយ ខេត្តកំពង់ធំ បានស្លាប់នៅកើតហេតុហើយនារីគ្រោះគ្រោងនិងរៀបការ នៅថ្ងៃ អាទិត្យ ទី០៧ ខែមិនាខាងមុខនេះ។ ទី៤- កុមារតូចអាយុ ប្រមាណ១ខួបបានស្លាប់បន្ទាប់ពីបញ្ជូនទៅដល់មន្ទីពេទ្យបង្អែកបារាយណ៍ សន្ទុក។ ទី៥-ក្មេងស្រីម្នាក់ទៀតស្លាប់ បន្ទាប់ពីមន្ទីរពេទ្យបង្អែកបារាយណ៍ ស្រុកសន្ទុក ។
រីឯអ្នករងរបួសធ្ងន់ប្រុសស្រីចាស់ក្មេង ១០ នាក់ដឹកបញ្ជូនយកទៅសង្គ្រោះនៅមន្ទីពេទ្យខេត្តកំពង់ធំ និងខ្លះទៀតយកទៅសង្គ្រោះទីក្រុងភ្នំពេញ។អ្នករងរបួសធ្ងន់ទាំង១០ នាក់ខាងលើនេះ ភាគច្រើនបែកប្រអប់ជើង បាក់ភ្លៅ និងបាក់ស្មងជើង ។
ក្រោយកើតហេតុរថយន្តទាំង២គ្រឿងស្ទូចយកទៅរក្សារទុកនៅអធិការដ្ឋាននគរបាលស្រុកសន្ទុកដើម្បីរងចាំធ្វើការដោះស្រាយទៅតាមនិតិវិធី។ឯសាកសពជនរងគ្រោះត្រូវបានសាច់ញាតិ ទទួល យកទៅធ្វើបុណ្យតាមប្រពៃណី៕
