បារឌីស្កូស្កាយឡាញ ប្រេីប្រាស់ថ្នាំញៀន ត្រូវនគរបាលបង្រ្កាប ឃាត់ខ្លួនមនុស្សចំនួន៥៣នាក់
ខេត្តព្រះសីហនុ៖ នគរបាលប្រឆាំងគ្រឿងញៀន ខេត្តព្រះសីហនុ បានបេីកយុទ្ធនាការទ្រង់ទ្រាយធំមួយ បង្ក្រាបទីតាំង ចែកចាយ ប្រេីប្រាស់ថ្នាំញៀន ក្នុងរង្គសាលស្កាយឡាញ(បាឌីស្កូ) ចាប់ពីម៉ោង១:៤៥នាទី រហូតដល់ម៉ោង៥ភ្លឺ ថ្ងៃទី១៦ ខែសីហាឆ្នាំ២០១៨ ។
ឃាត់ខ្លូនម្ចាស់ទីតាំងឈ្មោះគ្រុយ ផាន់ណា ហៅអាភឿកអាយុ៣៨ឆ្នាំ មានទីលំនៅ ភូមិ៤សង្កាត់លេខ៤ ក្រុងព្រះសីហនុ និង មនុស្សចំនួន៥២ នាក់ ស្រី៧នាក់ ជនជាតិចិន១០នាក់ ឥណ្ឌូនេស៊ី១៧នាក់ កូរ៉េ២នាក់ ភាគច្រើនជាបុគ្គលិកបម្រើការងារក្នុងកាស៊ីណូហ្គោលឌិនស៊ី និង តុងហ្វាងមិនជូ និង ប្រជាពលរដ្ឋខ្មែរ ចំនួន២៤នាក់។ ចាប់យកបានថ្នាំញៀន ខេតាមីន និង អិចស្តាស៊ី ចំនួន២៩កញ្ចប់ ថ្នាំញៀនអុិចស្តាស៊ីទឹក៤ដប និង អុិចស្តាស៊ីគ្រាប់៣គ្រាប់ ។ ក្រោយពេលធ្វេីតេស្ដ អ្នកទាំងអស់ មានផ្ទុកសារធាតុថ្នាំញៀន។ ម្ចាស់រង្គសាលឈ្មោះគ្រុយផាន់ណា ហៅភឿក ល្បីថាមានអ្នកធំនៅពីក្រោយ សមត្ថកិច្ចចាប់ខ្លួន បានហើយ។
លោកឧត្តមសេនីយ៍ត្រីស៊ុន សុផាត ស្នងការរងទទួល ផែនប្រឆាំងបទល្មើស និង លោកវរសេនីយ៍ទោសួស សីលានាយការិយាល័យប្រឆាំងគ្រឿងញៀន ដែលបានដឹកនាំកម្លាំងចុះប្រតិបត្តិការផ្ទាល់ បានឲ្យដឹងថា ៖ ពេលឆ្មក់ចូលឆែកឆេរ អ្នកទាំងនោះកំពុងប្រេីប្រាស់ជាក់ស្តែងតែម្តង ថ្នាំញៀនទាំងនោះ រកឃើញនៅលេីតុ គៀនៗសាឡុងអង្គុយ ក្នុងបន្ទប់ទឹក និង ទីកន្លែងផ្សេងគ្នា ក្នុងរង្គសាល ។
បុរសម្នាក់ក្នុងចំណោម មនុស្ស៥៣នាក់ បានសារភាពប្រាប់សមត្ថកិច្ចថា៖ ថ្នាំញៀនទាំងនោះ បានទិញក្នុងរង្គសាលនោះតែម្តង៕