ស្លាប់ម្នាក់ ,របួសម្នាក់ ដោយគ្រោះថ្នាក់ចរាចរណ៍នៅតាខ្មៅ

កណ្ដាល៖ក្រុមសមត្ថកិច្ចបានអោយដឹងថា ករណីគ្រោះថ្នាក់ចរាចរណ៍ផ្លូវគោក នៅរសៀលថ្ងៃទី២៣ ខែឧសភា ឆ្នាំ២០២១ នេះត្រង់ចំណុចខាងមុខមន្ទីរមុខងារសាធារណៈខេត្តកណ្ដាល លើកំណាត់ផ្លូវ១១៥ ស្ថិតនៅភូមិតាក្ដុលត្បូង សង្កាត់តាក្ដុល ក្រុងតាខ្មៅ ខេត្ត កណ្ដាល ។រវាង រថយន្ត និង ម៉ូតូ បណ្ដាលឲ្យស្លាប់ម្នាក់និងរបួសម្នាក់។
សមត្ថកិច្ចកិច្ចបន្តទៀតថា នៅមុនពេលកើតហេតុមានរថយន្តមួយគ្រឿង ម៉ាកHYUNDAI ប្រភេទក្រឡុកស៊ីម៉ង់ ពណ៌ស ធុងក្រឡុកពណ៌ខៀវ ពាក់ផ្លាកលេខ បន្ទាយមានជ័យ5A-0005 អ្នកបើករថយន្តមិនទាន់ ស្គាល់អត្តសញ្ញាណ រថយន្តបើកក្នុងទិសដៅពីលិច ទៅ កើត មកដល់ចំណុចកើតហេតុក៏បាន ប៉ះម៉ូតូពីក្រោយដែលមានម៉ាក HONDA DREAM ពណ៌ខ្មៅ ពាក់ស្លាកលេខ ភ្នំពេញ1HT-5823(ពាក់មួកសុវត្ថិភាព និងមានកញ្ចក់មើលក្រោយ) បើកបរក្នុងទិសដៅពីលិច ទៅកើត ស្របទិសគ្នា បណ្ដាលឲ្យម៉ូតូដួលខ្ទៀតចេញ ចំណែកអ្នកបើកម៉ូតូឈ្មោះផេត សោភា ភេទប្រុស អាយុ៣២ឆ្នាំ មានទីលំនៅភូមិក្បាលទំនប់២ សង្កាត់បឹងទំពន់ ខណ្ឌមានជ័យ ភ្នំពេញ បានខ្ទៀតចូលក្រោមរថយន្តបណ្ដាល ឲ្យកិនស្លាប់ភ្លាមៗនៅកន្លែងកើតហេតុ ត្រូវបានប្រគល់សាកសពជូន ប្រពន្ធយកទៅធ្វើបុណ្យតាមប្រពៃណី និងអ្នករួមដំណើរពីក្រោយមាន ឈ្មោះប៉េង សុខឃៀង ភេទប្រុស អាយុ២២ឆ្នាំ មានទីលំនៅភូមិកញ្ចិល ឃុំកំពង់រាប ស្រុកព្រៃកប្បាស ខេត្តតាកែវ (រងរបួសស្រាល) ។
ការខូតខាត ម៉ូតូស្រាលចំនួន ០១ គ្រឿង និង រថយន្តស្រាលចំនួន ០១គ្រឿង ។
ចំពោះមធ្យោបាយដែលពាក់ព័ន្ធ បានយកមករក្សាទុក បណ្ដោះ អាសន្ន នៅអធិការដ្ឋាន ដើម្បី ចាត់ការ តាមតិវិធី។
មូលហេតុមកពី អ្នកបើកបររថយន្តបើកបរខ្វះការ ប្រុងប្រយ័ត្នទើបបណ្ដាលឲ្យប៉ះម៉ូតូពីក្រោយ រួចបើករត់គេចចេញពីកន្លែងកើតហេតុ យករថយន្តទៅទុកចោល ខាងមុខសាលាខ្ពបវែង ៕ដោយសុវណ្ណភូមិ