គ្រោះថ្នាក់ចរាចរណ៍ ដ៏រន្ធត់រវាងម៉ូតូនិងម៉ូតូ បុកកិនបុរសម្នាក់ខ្ទេចជើង

កណ្ដាល៖ក្រុមសមត្ថកិច្ចបានអោយដឹងថា ករណីគ្រោះថ្នាក់ចរាចរណ៍ផ្លូវគោក នៅថ្ងៃទី៣១ ខែឧសភា ឆ្នាំ២០២១ត្រង់ចំណុចខាងមុខ បុរីពិភពថ្មី១ លើផ្លូវជាតិលេខ២១ ស្ថិតនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល រវាង ម៉ូតូ និង ម៉ូតូ បណ្ដាលឲ្យរងរបួសធ្ងន់បុរសម្នាក់។
សមត្ថកិច្ចបន្តទៀតថា នៅមុនពេលកើតហេតុមាន ម៉ូតូមួយគ្រឿងម៉ាកYAMAHA exciter 150cc ពណ៌ខ្មៅ គ្មានស្លាកលេខ(មិនពាក់មួកសុវត្ថិភាព និងគ្មានកញ្ចក់មើលក្រោយ) អ្នកបើកម៉ូតូឈ្មោះវីរៈ ភេទប្រុស អាយុ១៧ឆ្នាំ ស្នាក់នៅភូមិយួន សង្កាត់ស្វាយរលំ ក្រុងតាខ្មៅ (រងរបួសធ្ងន់ត្រូវបានរថយន្តសង្រ្គោះ របស់មន្ទីរពេទ្យសម្ភពម្លិះដង្កោ ដឹកយកទៅសង្រ្គោះនៅភ្នំពេញ)
ម៉ូតូបើកក្នុងទិសដៅពីជើង ទៅ ត្បូង ក៏បានបុកជាមួយម៉ូតូម៉ាកHonda pcx មិនស្គាល់ស្លាកលេខ (បើករត់ចេញពីកន្លែងកើតហេតុ មុនពេលសមត្ថកិច្ចទៅដល់) ម៉ូតូបើកក្នុងទិសដៅពីត្បូង ទៅ ជើង(បញ្រ្ចាស់ទិសគ្នា) ។
ការខូតខាត ម៉ូតូ ០១ គ្រឿង ។
ចំពោះមធ្យោបាយដែលពាក់ព័ន្ធ បានយកមករក្សាទុក បណ្ដោះ អាសន្ន នៅអធិការដ្ឋាន ដើម្បី ចាត់ការ តាមតិវិធី។
មូលហេតុមកពី អ្នកបើកម៉ូតូម៉ាក Yamaha exciter បើកចូលចំណែកផ្លូវរបស់ម៉ូតូ Honda pcx
ចំណែកម៉ូតូម៉ាកHonda pcx បើករត់គេចចេញពីកន្លែងកើតហេតុ ៕