លោក ចេង មុនីរ៉ា ៖ យ័ន្តដ៏ស័ក្តិសិទ្ធិដែលអាច ការពារអាយុជីវិតបងប្អូនពលរដ្ឋបាន គឺ ៣ការពារ ៣កុំ របស់សម្តេចតេជោ ហ៊ុនសែន

ភ្នំពេញ ៖ លោក ចេង មុនីរ៉ា អភិបាលខណ្ឌច្បារអំពៅ បានមានប្រសាសន៍ថ្លែងប្រាប់ទៅកាន់បងប្អូនប្រជាពលរដ្ឋថា យ័ន្តដ៏ស័ក្តិសិទ្ធិ ដែលអាចការពារបងប្អូនមិនអោយឆ្លងជម្ងឺកូវីដ១៩ ពិសេសគឺការពារអាយុជីវិតបងប្អូនទៀតនោះ គឺ ៣ការពារ ៣កុំ របស់សម្តេចតេជោ ហ៊ុន សែន ប្រមុខថ្នាក់ដឹកនាំដ៏ឆ្នើមរបស់ប្រទេសកម្ពុជា ។

ការថ្លែងទៅកាន់បងប្អូនពលរដ្ឋខាងលើ ធ្វើឡើងក្នុងពិធី នាំយកអំណោយរបស់ អនុសាខាកាកបាទក្រហមកម្ពុជា ចែកជូនដល់បងប្អូន ពលរដ្ឋកំពុងជួបការលំបាក ១៤២គ្រួសារ ដែលរស់នៅក្នុងសង្កាត់និរោធ នាព្រឹកថ្ងៃទី០៤ ខែមិថុនា ឆ្នាំ២០២១ នៅក្នុងបរិវេណវត្តនិរោធរង្សី ។

លោក ចេង មុនីរ៉ា អភិបាលខណ្ឌច្បារអំពៅ បានមានប្រសាសន៍ ក្រើនរំលឹកជាបន្តបន្ទាប់ទៅដល់បងប្អូនពលរដ្ឋទាំងអស់ សូមបន្តបង្កើននូវការ ប្រុងប្រយ័ត្នជានិច្ច និងចូលរួមគោរពអោយបានខ្ជាប់ខ្ជួនបំផុត នូវវិធានសុខាភិបាលទាំងឡាយកន្លងមកដែលក្រសួងសុខាភិបាល និងអាជ្ញាធរគ្រប់លំដាប់ថ្នាក់ បានដាក់ចេញអោយបងប្អូនពលរដ្ឋទាំងអស់ នៅទូទាំងប្រទេសចូលរួមប្រតិបត្តិគោរព ក្នុងការការពារមិនអោយ មានការរីករាលដាលនូវជម្ងឺកូវីដ១៩ ខណះដែលបច្ចុប្បន្នជំងឺនេះ នៅបន្តកំពុងរាតល្បាតជាខ្លាំងនៅឡើយ ដោយពុំទាន់មានតួលេខថបថយ ។

លោកអភិបាលខណ្ឌ បានណែនាំដល់បងប្អូនពលរដ្ឋទាំងអស់ សូមកុំមានការព្រួយបារម្ភ អោយសោះ ទោះក្នុងកាលះទេសះណា ក៏អាជ្ញាធរតែងតែជាមួយ បងប្អូនជានិច្ច ពិសេសនោះគឺសម្តេចតេជោ ហ៊ុនសែន ប្រមុខថ្នាក់ដឹកនាំដ៏ឆ្នើម ប្រកបដោយគតិបណ្ឌិតឈ្លៀសវៃរបស់កម្ពុជា ដែលសម្តេចតែងតែយកចិត្តទុកដាក់ខ្ពស់ និងខ្វល់ខ្វាយពីសុខទុក្ខរបស់ ពលរដ្ឋក្នុងប្រទេសជានិច្ច មិនថាក្នុងកាលះទេសះបែបណា ជួបនូវបញ្ហាតូចធំបែបណាឡើយ គឺសម្តេចតែងតែនៅនៅគៀកបង្កើយ ដើម្បីចាំគិតគូរ ចាំជួយដោះស្រាយនូវទុក្ខលំបាករបស់បងប្អូនពលរដ្ឋជានិច្ច ។

ដូច្នេះសូមបងប្អូនពលរដ្ឋ កុំស្តាប់តាមការញ៉ុះញ៉ុង របស់ជនអគតិមួយក្តាប់តូច ដែលមិនបានចូលរួមចំណែកអ្វីបន្តិចសោះ ក្នុងការគិតគូរជាមួយសង្គមជាតិ ពិេសសមិនបានជួយអ្វី ដល់បងប្អូនទាំងអស់គ្នា ក្នុងការដែលបងប្អូនជួបទុក្ខលំបាក ជាក់ស្តែងដូចក្នុងកាលៈទេសៈនេះ គឺមានតែអាជ្ញាធរ ដែលជាសេនារីយោរបស់ ប្រមុខថ្នាក់ដឹកនាំ តែងនៅគៀកជាប់ នឹងជួយដោះស្រាយ ជួយផ្គត់ផ្គត់នូវស្បៀងអាហារជាបន្តបន្ទាប់ ក្នុងគ្រាដែលបងប្អូនកំពុងជួបនូវការ ដោយមិនទុកអោយបងប្អូនពលរដ្ឋនៅ ឯកោ នោះឡើយ ។

លោកអភិបាលខណ្ឌ បញ្ជាក់អ្វីដែលបងប្អូន ត្រូវចងចាំមិនអាចភ្លេចបាននោះ គឺ ៣ការពារ ៣កុំ របស់សម្តេចតេជោ ហ៊ុន សែន ដែលជាយ័ន្តស័ក្តសិទ្ធិបំផុត ការពារដល់អាយុជីវិត របស់បងប្អូនទាំងអស់គ្នា ។ ខ្លឹមសាររបស់ ៣ការពារ៣កុំ មាន ៖ ត្រូវពាក់ម៉ាស់ជានិច្ច , បាញ់អាល់កុលអោយបានទៀងទាត់ និងរក្សាគម្លាតសុវត្ថិភាព ។ ដោយឡែក៣កុំ គឺបងប្អូនសូមកុំចេញពីផ្ទះបើមិនចាំបាច់, សូមកុំជួបជុំក្នុងចំនួនមនុស្សច្រើន និងសូមកុំទៅកាន់ទីកន្លែងដែលប្រមូលផ្តុំទៅដោយមនុស្ស ។

សូមមបញ្ជាក់ផងដែរថា នៅក្នុងពិធីចែកអំណោយមនុស្សធម៌ របស់អនុសាខាកាកបាទក្រហមកម្ពុជាខណ្ឌច្បារអំពៅខាងលើនេះ ពលរដ្ឋទាំង១៤២គ្រួសារ ក្នុង១គ្រួសារៗ ទទួលបានឃីត១ឈុត ដែលមាន មី៦កញ្ចប់ , ទឹកត្រី៣ដប , ទឹកស៊ីអ៉ីវ៣ដប , ត្រីខ៤កំប៉ុង , ម៉ាស់២០ម៉ាស , អាល់កុល ឬជែល០១ដប រួមជាមួយថវិការ២ម៉ឺនរៀលផងដែរ ៕