ចាប់ជនសង្ស័យម្នាក់ បានឆ្វើសកម្មភាព លួចយកម៉ូតូមួយគ្រឿងម៉ាកស្គុបពី

តាកែវ ៖ នៅវេលា ម៉ោង ១១:០០នាទី ថ្ងៃទី៤ ខែ មិថុនា ឆ្នាំ ២០២១ មានករណីចោរលួចម៉ូតូនៅចំណុច ភូមិប្របសៀម ឃុំឧត្តមសូរិយា ស្រុក ត្រាំកក់ ខេត្តតាកែវ។

ជនសង្ស័យ ឈ្មោះ ទួច សាយ ភេទ ប្រុស អាយុ ៣០ ឆ្នាំ មុខរបរមិនពិតប្រាកដ រស់ នៅភូមិ ឃុំកើតហេតុខាងលើ បានឆ្វើសកម្មភាពលួចយកម៉ូតូមួយគ្រឿងម៉ាក ស្គុបពី ពណ៌ស ពាក់ស្លាកលេខ ភ្នំពេញ 1DC 0038 ខណ:ពេលដែលម្ចាស់ ទុក នៅមុខផ្ទះ របស់ជនរងគ្រោះ ឈ្មោះ វង់ ស៊ី ជីង ភេទ ប្រុស អាយុ ៤០ ឆ្នាំ មុខរបរ កសិករ រស់នៅភូមិ ឃុំ ជាមួយគ្នា។

ក្រោយពីធ្វើសកម្មភាពរួច ជនសង្ស័យបានជិះ ម៉ូតូរត់យគេចតាមបណ្តោយផ្លូវ ជាតិលេខ ៣ និងលេខ ៣១។ពេលនោះម្ចាស់ម៉ូតូបានជិះដេញតាមពីក្រោយជនសង្ស័យ។ លុះមកដល់ពីមុខមូលដ្ឋានកងរាជអាវុធហត្ថ។ ជនរងគ្រោះបានស្រែកអោយជួយ ពេលនោះកម្លាំងប្រចាំការនៅមូលដ្ឋានកងរាជអាវុធហត្ថស្រុកអង្គរជ័យ បានដេញ ចាប់បានជនសង្ស័យនៅចំណុចភូមិព្រៃផ្តៅ ឃុំភ្នំកុង ស្រុក អង្គរជ័យ។

បច្ចុប្បន្ន ជនសង្ស័យត្រូវមន្ត្រីជំនាញ ចាត់ការតាមនីតិវិធី ។ វត្ថុតាងត្រូវបានប្រគល់ជូនម្ចាស់វិញ ៕