ឆ្លងចរន្តអគ្គិសនី ឆេះផ្ទះអស់៣ខ្នង

ភ្នំពេញ ÷ ផ្ទះប្រជាពលរដ្ឋចំនួន៣ខ្នង និងសម្ភារមួយចំនួន ត្រូវបានអគ្គិភ័យលេបត្របាក់អស់ទាំងស្រុង ដោយសារ ឆ្លងចរន្តអគ្គិសនី កាលពីវេលាម៉ោង៩ និង៣០នាទីយប់ថ្ងៃទី១១ ខែមិថុនា ឆ្នាំ២០២១ ស្ថិតនៅតាមបណ្តោយផ្លូវលំ ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីប្រជាពលរដ្ឋ នៅកន្លែងកើតហេតុ បានឲ្យដឹងថា នៅមុនពេលកើតហេតុ គេឮសូសំឡេងផ្ទុះចេញ ពីក្នុងផ្ទះដែលនៅកណ្តាលគេ រួចក៏ឃើញមានអណ្តាលភ្លើងឆេះ សន្ធោសន្ធៅរាលដាលទៅលើផ្ទះ២ទៀត នៅជាប់ៗគ្នា ពួកគាត់បានស្រែកឆោឡោ ហៅអ្នកជិតខាងជួយទាញទុយោទឹក និងធុង ជួយដងជះទប់ស្កាត់ បន្ទាប់មកក៏រាយការណ៍ទៅសមត្ថកិច្ច សុំរថយន្តពន្លត់អគ្គិភ័យឲ្យចុះមកជួយបាញ់ពន្លត់ ឲ្យរលត់ទៅវិញ។

ក្រោយពេលបាញ់ពន្លត់ ដោយសមត្ថកិច្ចនៅកន្លែងកើតហេតុ បញ្ជាក់ថា ឆេះផ្ទះឈើប្រក់ស័ង្កសី
ចំនួន៣ខ្នង និងសម្ភាស្ទើរទាំងស្រុង៕