ប៉េអឹមចាប់រថយន្តស៊ាំងយ៉ុង ដឹកជញ្ជូនឈើអារ ប្រភេទលេខ១ ចំនួន១.២៨៣ម៉ែត្រីគុណ ដោយគ្មានលិខិតអនុញ្ញាត

ព្រះវិហារ ៖ នៅវេលាម៉ោង០៣និង៥០នាទី ថ្ងៃទី១១ ខែមិថុនា ឆ្នាំ២០២១ កម្លាំងមូលដ្ឋាន កងរាជអាវុធហត្ថស្រុកឆែប សហការជាមួយជំនាញផ្នែករដ្ឋព្រៃឈើឆែប បានឃាត់ចាប់រថយន្តចំនួន ០១គ្រឿង ម៉ាកស៊ាំងយ៉ុង ពណ៌ស ពាក់ផ្លាកលេខភ្នំពេញ 2M-8045 ដឹកជញ្ជូនឈើអារប្រភេទលេខ១(គគីរ) ចំនួន ៤៣សន្លឹក ស្មើនឹង ១.២៨៣ម៉ែត្រីគុណ ដោយគ្មានលិខិតអនុញ្ញាតពីរដ្ឋបាលព្រៃឈើ ត្រង់ចំណុចភូមិឆែបកើត ឃុំឆែបមួយ ស្រុកឆែប ខេត្តព្រះវិហារ ដែលមានម្ចាស់ឈ្មោះ ទ្រី ព្រឿង ភេទប្រុស អាយុ ២៧ឆ្នាំ ជនជាតិ ខ្មែរ មានទីលំនៅបច្ចុប្បន្នភូមិជើងទឹក ឃុំរំចេក ស្រុកព្រះស្តេច ខេត្តព្រៃវែង(ពុំបានឃាត់ខ្លួន)។

បច្ចុប្បន្នវត្ថុតាងខាងលើរក្សាទុកនៅផ្នែករដ្ឋបាលព្រៃឈើឆែបជាបណ្តោះអាសន្ន៕