អភិបាលរាជធានីភ្នំពេញ និង ប្រធានក្រុមប្រឹក្សារាជធានីភ្នំពេញ សូមគោរពប្រសិទ្ធពរជ័យ បវរសួស្ដី មហាប្រសើរជូនចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា

ភ្នំពេញ៖ សូមគោរពប្រសិទ្ធពរជ័យ បវរសួស្ដី មហាប្រសើរជូនចំពោះសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២២ក្រោមប្រធានបទ « ទាំងអស់គ្នារួមជាមួយកាកបាទក្រហមកម្ពុជា ដោះស្រាយបញ្ហាប្រឈមនានា និងបន្តពង្រឹងភាពធន់សហគមន៍ »។

នៅក្នុងឱកាសដ៏វិសេសវិសាលនេះ សូម សម្ដេចកិត្តិព្រឹទ្ធបណ្ឌិត ទទួលបាននូវពលានុភាពខ្លាំងក្លា ប្រាជ្ញាឈ្លាសវៃ សុខភាពល្អ បរិបូរណ៍ អាយុយឺនយូរ ដើម្បីបំពេញសកម្មភាពមនុស្សធម៌ និងដឹកនាំកាកបាទក្រហមកម្ពុជាឲ្យទទួលបានជោគជ័យថែមទៀត សម្តេច កិត្តិព្រឹទ្ធបណ្ឌិត ជាប្រមុខដឹកនាំដ៏ឈ្លាសវៃប៉ិនប្រសប់មួយរូប ប្រកបដោយព្រហ្មវិហារធម៌ គុណធម៌ ព្រមទាំងផ្តល់ក្តីសង្ឃឹម និងភាពកក់ក្ដៅដល់ពលរដ្ឋរងគ្រោះដោយគ្រោះមហន្តរាយផ្សេងៗ ។

សូម សម្ដេចកិត្តិព្រឹទ្ធបណ្ឌិត និង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំង ក្រុមគ្រួសារជាទីស្រឡាញ់ជួបតែសុភមង្គល និងប្រកបដោយពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ដោយក្តីគោរពពី

ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និង លោកជំទាវ ជា ស៊ីណា ឃួង ស្រេង ព្រមទាំងមន្ត្រីរាជការក្រោមឱវាទរដ្ឋបាលរាជធានីភ្នំពេញទាំងអស់ ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ និង លោកជំទាវ៕