នគរបាលខណ្ឌឬស្សីកែវ ឃាត់ខ្លួនជនសង្ស័យ ២នាក់ លួចរថយន្ត នៅខណ្ឌចំការមន

ភ្នំពេញ ៖ ជនសង្ស័យជាចោរលួចរថយន្ត ចំនួន២នាក់ ត្រូវកម្លាំងនគរបាលខណ្ឌប្ញស្សីកែវ ដឹកនាំដោយលោកវរសេនីយ៍ឯក ហ៊ាង ថារ៉េត ស្រាវជ្រាវ និងឈានទៅចាប់ឃាត់ខ្លួន នៅថ្ងៃទី០៨ ខែឧសភា ឆ្នាំ២០២២ វេលាម៉ោង០១:០០នាទី ចំណុចផ្ទះជួល ផ្លូវបេតុង ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ ។

លោកវរសេនីយ៍ឯក ហ៊ាង ថារ៉េត បានអោយដឹងថា ជនសង្ស័យ ដែលឃាត់ខ្លួន រួមមាន ១-ជនសង្ស័យឈ្មោះនី ម៉ាឡា ភេទប្រុស អាយុ២២ឆ្នាំ ជនជាតិខ្មែរ ស្នាក់នៅផ្ទះជួលសង្កាត់ទឹកថ្លា ខណ្ឌសែនសុខ ។ មុខខរបរមិនពិតប្រាកដ (មានសារធាតុញៀន) ។
២-ជនសង្ស័យឈ្មោះ ស៊ីន ដាវីត ភេទប្រុស អាយុ៣៣ឆ្នាំ មានទីលំនៅផ្ទះជួលសង្កាត់ទន្លេបាសាក ខណ្ឌចំការមន មុខរបរ មិនពិតប្រាកដ (មានសារធាតុញៀន)។

ចំណែកម្ចាស់រថយន្ត ឈ្មោះ ឡាង ស្រីមួយ ភេទស្រីអាយុ២៨ឆ្នាំ មុខរបរបុគ្គលិក អង្គការ ជនជាតិខ្មែរ មានទីលំនៅផ្ទះលេខ១ ផ្លូវP១២ សង្កាត់និរោធន៍ ខណ្ឌច្បារអំពៅ រថយន្តម៉ាកCoRoLLA ។

សមត្ថកិច្ច បានដកហូតរថយន្ត១គ្រឿងម៉ាក COROLLA ពណ៍ស ស្លាកលេខ ភ្នំពេញ2J-2504 (វត្ថុតាង) និងម៉ូតូ១គ្រឿងម៉ាកហុងដាសេ125 ពណ៍ខ្មៅស្លាកលេខតាកែវ1A-4856 (មធ្យោបាយធ្វើសកម្មភាព) ។

សមត្ថកិច្ច បានបញ្ជាក់ថា នៅថ្ងៃទី ២៩ខែ មេសា ឆ្នាំ ២០២២ វេលាម៉ោង០៣,០០នាទី ត្រង់ចំណុចផ្ទះលេខ៤៣A ផ្លូវលេខ២១ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ជនរងគ្រោះបានទុករថយន្តនៅលើផ្លូវចាក់សោត្រឹមត្រូវ ស្រាប់តែមានជនសង្ស័យ ចំនួន៣នាក់ បានធ្វើសកម្មភាព លួចរថយន្តបានសំរេចរួចគេចខ្លួនបាត់។ លុះដល់ថ្ងៃទី០៨ ខែឧសភា ឆ្នាំ២០២២ វេលាម៉ោង០១:០០នាទី កំលាំងជំនាញព្រហ្មទណ្ឌខណ្ឌ បានធ្វើការស្រាវជ្រាវ ឈានឃាត់បានជនសង្ស័យ ចំនួន២នាក់រួមទាំងវត្ថុតាងរថយន្តជនរងគ្រោះ នៅចំណុចផ្ទះជួល ផ្លូវបេតុង ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ យកមកអធិការដ្ឋានខណ្ឌឬស្សីកែវ ដើម្បីសាកសួរ និងចាត់ការតាមនិតិវិធី។

បច្ចុប្បន្នអធិការដ្ឋានខណ្ឌឬស្សីកែវ បានប្រគល់ជនសង្ស័យ និងវត្ថុតាង អោយទៅអធិការដ្ឋានខណ្ឌចំការមន ដើម្បីចាត់ការនិតិវិធីបន្ត ៕