ករណីរំលោភសម្លាប់លើក្មេងស្រីម្នាក់ សមត្ថកិច្ចឃាត់ខ្លួនជនសង្ស័យម្នាក់

សៀមរាប៖ ជនសង្ស័យត្រូវបានឃាត់ខ្លួន ពាក់ព័ន្ធករណីរំលោភ និងសម្លាប់ នៅខេត្តសៀមរាប។

កាលពីថ្ងៃទៅ៨ ខែឧសភា ឆ្នាំ២០២២ នៅវេលាម៉ោង១១ និង៣០នាទីយប់ ក្មេងស្រីអាយុ១៣ឆ្នាំម្នាក់បានចេញដើរចាប់កង្កែប ហើយនៅពេលនោះត្រូវបានបុរសដែលជាជនសង្ស័យប្រទះឃើញ។ ដោយឃើញក្មេងស្រីនោះនៅម្នាក់ឯង បុរសអាយុ៣១ឆ្នាំ ក៏បានចាប់កែវឆ្លុះពាក់ក្បាលពីក្មេងស្រីរងគ្រោះបិទភ្លើង បង្កអោយនាងភ័យរត់ប្រហែល ៣០ម មុននឹងជនសង្ស័យចាប់នាងបាន។ ជនសង្ស័យបានព្រព្រឹត្តសកម្មភាពរំលោភផ្លូវភេទទៅលើជនរងគ្រោះ មុននឹងទុកអោយជនរងគ្រោះដេកស្លាប់នៅកន្លែងកើតហេតុ ហ់យរត់គេចខ្លួន។

ក្រុមការងារស៊ើបអង្កេតបទល្មើសឃាតកម្ម (HIT) និងក្រុមការងារបច្ចេកទេសវិទ្យាសាស្រ្ត (FST) នៃអង្គភាពការពារកុមារ (CPU) រួមជាមួយនាយកដ្ឋានព្រហ្មទណ្ឌកម្រិតធ្ងន់ និងនាយកដ្ឋានបច្ចេកទេស និងវិទ្យាសាស្រ្ត នៃក្រសួងមហាផ្ទៃ បានធ្វើដំណើរទៅខេត្តសៀមរាបដើម្បីផ្តល់ជាជំនួយក្នុងការស៊ើបអង្កេត។

ជាលទ្ធផល នៅវេលាម៉ោង៩ និង៣០នាទីព្រឹក នៅថ្ងៃទី៩ ខែឧសភា ឆ្នាំ២០២២ កម្លាំងសម្ថកិច្ចបានធ្វើការឃាត់ខ្លួនជនសង្ស័យ។ សមត្ថកិច្ចជំនាញបានសួរចម្លើយជនសង្ស័យ ហើយគេក៏បានសារភាពអំពីសកម្មភាពដែលគេបានប្រព្រឹត្ត។ ក្រុមការងារជំនាញបានចំណាយពេលប្រមូលសំណាក និងភស្តុតាងជាច្រើនពីកន្លែងកើតហេតុ, សាកសពរបស់ជនរងគ្រោះ និងពីដងខ្លួនជនសង្ស័យ។

ជនសង្ស័យនិងត្រូវសមត្ថកិច្ចបញ្ជូនទៅសាលាដំបូងខេត្តសៀរាប ដើម្បីផ្តន្ទាទោសពីបទល្មើសឃាតកម្ម។

ករណីរំលោភសម្លាប់លើ ក្មេងស្រីអាយុ១៣ឆ្នាំ សមត្ថកិច្ចបានស្រាវជ្រាវនិង ធ្វើការឃាត់ខ្លួនជនសង្ស័យម្នាក់នៅថ្ងៃទី០៩ ខែឧសភា ឆ្នាំ២០២២ នៅត្រង់ចំណុច វាលស្រែខាងជើងត្រពាំងកក់ ស្ថិតនៅភូមិរវៀង ឃុំស្រណាល ស្រុកក្រឡាញ់ ខេត្តសៀមរាប។  ជនសង្ស័យមានឈ្មោះ អុក វឿ ភេទប្រុសអាយុ ៣១ឆ្នាំ មានសុខកំណើតភូមិរវៀង ឃុំស្រណាល ស្រុកក្រឡាញ់ ខេត្តសៀមរាប។  ជនរងគ្រោះឈ្មោះ ផុន ឃីម ភេទស្រីអាយុ១៣ឆ្នាំ រស់នៅភូមិរវៀង ឃុំស្រណាល ស្រុកក្រឡាញ់ ខេត្តសៀមរាប។

តាមព័ត៌មានពីឈ្មោះ ខ្វាវ លំ ភេទស្រីអាយុ៦៨ឆ្នាំ ត្រូវជាជីដូនសពបានឱ្យដឹងថា នៅថ្ងៃទី០៨ ខែឧសភា ឆ្នាំ២០២២ វេលាម៉ោងប្រហែល២១និង៣០ នាទី ចៅស្រីរបស់គាត់ឈ្មោះ ផុន ឃីម ឆ្នាំ បានចេញទៅឆ្លុះកង្កែបតែម្នាក់ឯងនៅក្នុងភូមិ បានប្រហែលមួយសន្ធុះគាត់ក៏ឃើញចៅស្រីរបស់គាត់បានយកកង្កែបមកទុកនៅផ្ទះ។

ពេលនោះចៅស្រីរបស់គាត់បានសុំគាត់ទៅឆ្លុះកង្កែបទៀត ហើយបាននិយាយថាឈ្មោះ វឿ ភេទ ប្រុស បានប្រាប់ថានៅខាងលិចភូមិមានកង្កែបច្រើនណាស់ ពេលនោះចៅស្រីរបស់គាត់ បានទៅឆ្លុះកង្កែបទៀត លុះដល់ម៉ោងប្រហែល៣ ទៀបភ្លឺ គាត់ក៏បានក្រោករកចៅ តែមិនឃើញ ពេលនោះគាត់ក៏បានស្រែកហៅកូនចៅឲ្យជួយតាមរក តែដោយសារយប់ងងឹតពេករកមិនឃើញ លុះដល់ម៉ោង៥ព្រឹកទើបរកឃើញ ចៅស្រីរបស់ខ្លួនដេកស្លាប់នៅវាលស្រែ ៕