នគរបាលខណ្ឌចំការមន ឃាត់ខ្លួនជនសង្ស័យចែកចាយថ្នាំញៀនម្នាក់ នៅសង្កាត់ផ្សារដើមថ្កូវ

ភ្នំពេញ ៖ នៅថ្ងៃទី១៩ ខែតុលា ឆ្នាំ២០២២ វេលាម៉ោង ១៨៖១៥នាទី កម្លាំងនគរបាល នៃអធិការខណ្ឌចំការមន បានចេញល្បាត ដើម្បីការពារសន្តិសុខក្នុងមូលដ្ឋាន មកដល់ចំណុចផ្លូវលំ ភូមិ៥ សង្កាត់ផ្សារដើមថ្កូវ ខណ្ឌចំការមន ក៏បានប្រទះមុខសញ្ញាម្នាក់ ពាក់ព័ន្ឋការជួញដូរដោយខុសច្បាប់ នូវសារធាតុញៀន ។

បើតាមលោក ផន អូន អធិការរង ទទួលផែនគ្រឿងញៀន បានអោយដឹងថា កម្លាំងបានឃាត់ និងឆែករកឃើញនូវក្រាម សថ្លា (សង្ស័យថ្នាំញៀន) ១ថង់ធំល្មម ។

លោក ផន អូន បន្តថា ជនសង្ស័យឈ្មោះ ម៉ុន ប៊ុននាង ហៅ ពេក ភេទប្រុស អាយុ ៣៦ឆ្នាំ ស្នាក់នៅមិនពិតប្រាកដ មុខរបរ គ្មាន ។

ជាមួយនេះ កម្លាំងបានដកហូត វត្ថតាង ក្រាមសថ្លា (សង្ស័យថ្នាំញៀន) ១ថង់ធំល្មម ផងដែរ ។

បច្ចុប្បន្នជនសង្ស័យ និងវត្ថុតាង បាននាំមកអធិការដ្ឋានខណ្ឌ ដើម្បីកសាងសំណុំរឿន បញ្ជូនទៅតុលាការចាត់ការតាមនិតិវិធីច្បាប់ ។