ឈុត សេរីវ៉ាន់ថង និង វ៉ាន់ វឿនដឹកដៃគ្នាឡើងវគ្គពាក់កណ្ដាលផ្ដាច់ព្រ័ត្រ

ភ្នំពេញៈព្រឹត្តិការណ៍ប្រកួតប្រដាល់គុនខ្មែរដណ្ដើមខ្សែក្រវាត់សម្ដេចពិជ័យសេនាទៀបាញ់លើសង្វៀនTV5យប់ថ្ងៃទី២៣តុលាអ្នកប្រដាល់ឈុតសេរីវ៉ាន់ថងក្លិបរាហ៊ូកីឡា និង វ៉ាន់ វឿនក្លិបឃ្លាំងមឿងកីឡាបានមដឹកដៃគ្នាឡើងទៅប្រកួតបន្តនៅវគ្គពាក់កណ្ដាលផ្ដាច់ព្រ័ត្រ។
ឈុត សេរីវ៉ាន់ថងដែលត្រូវគេផ្ដល់រហស្សនាមថាកូនរាហ៊ូមាសនោះជួបប្រកួតជាមួយ
ខ្លាចាស់សៀវង៉ុយក្លិបអភិរក្សគុនខ្មែររុងរឿងនៅទឹកទី១ដោយទាត់ឲ្យខូចជើងមិនអាចបន្តការប្រកួតបាន។សម្រាប់ការប្រកួតវិលជុំសន្សំពិន្ទុក្នុងពូលនេះសេរីវ៉ាន់ថង៣ប្រកួតឈ្នះទាំង៣
ប្រកួតដែលក្នុងនោះ២ប្រកួតគេឈ្នះដោយវ៉ៃគូប្រកួតឲ្យសន្លប់និងមួយប្រកួតឈ្នះដោយពិន្ទុ
ពេលនេះគេឈរនៅចំណាត់ថ្នាក់លេខ១ក្នុងពូលហើយគេកំពុងតែរង់ចាំមើលតើនរណាជាគូរ
ប្រកួតរបស់គេនៅវគ្គពាក់កណ្ដាលផ្ដាច់ព្រ័ត្រ។ចំពោះសៀវង៉ុយខ្ទាតចេញពីការប្រកួតត្រឹមនេះហើយ។
ដោយឡែកអ្នកប្រដាល់វ៉ាន់វឿនក្លិបឃ្លាំងមឿងកីឡាបានយកឈ្នះរិដេវីដក្លិបនាគរាជ
ចតុមុខនៅទឹកទី១ដោយទាត់ឲ្យខូចជើងដែរ។

ជ័យជំនះនេះធ្វ់ឲ្យវ៉ាន់ វឿនបានចំណាត់ថ្នាល់លេខ២ក្នុងពូលហើយត្រៀមឡើងប្រកួត
ជាមួយចំណាត់ថ្នាក់លេខ១នៃពូលមួយទៀត ។៣ប្រកួតក្នុងពូលវ៉ាន់ វឿនឈ្នះ២បាន២ប្រកួតនិងចាញ់១ប្រកួត ។
ចំពោះការប្រកួតជាមិត្តភាពជាមួយអ្នកប្រដាល់ថៃវិញនោះប៊នពន្លឹកក្លិបនាគរាជចតុមុខ
បានប្រើជើងទាត់អ្នកប្រដាល់ថៃPhet Bandornចំកញ្ចឹង ក ឲ្យសន្លប់មុនស្នូរជួងបញ្ចប់ទឹកទី៣។
អ្នកប្រដាល់ទាំង២រូបនេះប្រកួតកញនាក្នុងប្រភេទទម្ងន់៥១គីឡូក្រាម។
ប្រកួតជាមិត្តភាពជាមួយអ្នកប្រដាល់ថៃដែរអ្នកប្រដាល់កម្ពុជាឃុនឡាំងកូស៊ីនក្លិបសៅយ៉ាន់នាគាប្រកួតស្មើពិន្ទុជាមួយអ្នកប្រដាល់ថៃYort Phitអ្នកប្រដាល់ថៃទាំង២រូបនេះប្រកួតគ្នាក្នុងប្រភេទទម្ងន់៥៧គីឡូក្រាម៕