លោក ឃឹម ស៊ុនសូដា អំណោយដ៏ថ្លៃថ្លារបស់លោក ឃួង ស្រេង អភិបាលរាជធានីភ្នំពេញ ជូនដល់សាលាបឋមសិក្សាចំនួន៣ ស្ថិតក្នុងខណ្ឌកំបូល តាមការ ស្នើសុំរបស់សិស្សានុសិស្ស

ភ្នំពេញ៖ ឆ្លើយតប តាមសំណូមពររបស់លោកគ្រូ អ្នកគ្រូ នៅក្នុងវេទិកាសាធារ ណៈ នាពេលកន្លងមក លោក ឃឹម ស៊ុនសូដា អភិបាលខណ្ឌកំបូល បាននាំយកអំណោយដ៏ថ្លៃថ្លាជាតុសិស្ស របស់លោក ឃួង ស្រេង អភិបាលរាជធានីភ្នំពេញ នាព្រឹកថ្ងៃទី២៨ តុលា ឆ្នាំ២០២២នេះ យកមកផ្ដល់សិស្សានុសិស្ស សរុបចំនួន ៥០តុ មក ប្រគល់ជូនដល់សាលាបឋមសិក្សាចំនួន៣ ស្ថិតក្នុងខណ្ឌកំបូល ក្នុងនោះ សាលាបឋមសិក្សាកន្ទោក ចំនួន១២តុ ,សាលា បឋមសិ ក្សាភ្លើងឆេះរទេះ ចំនួន១៣តុ និងសាលាបឋមសិក្សាប្រទះឡាង ចំនួន២៥តុ។

នៅក្នុងឱកាសពិធីប្រគល់តុសិស្សនោះផងដែរ លោក ឃឹម ស៊ុនសូដា អភិបាលខណ្ឌកំបូ ក៏បានផ្តាំផ្ញើដល់សិស្សានុសិស្សទាំងអស់ត្រូវខិតខំរៀនសូត្រ ដើម្បីឱ្យក្លាយទៅជាកូនល្អ សិស្សល្អ និងមិត្តល្អ និងត្រូវរស់នៅប្រកបដោយអនាម័យ គឺត្រូវហូបស្អាត ផឹកស្អាត និង រស់នៅស្អាត ដើម្បីជាទំពាំងស្នងឬស្សី កូនក្មួយ ទាំងអស់ ត្រូវធ្វើខ្លួនឲ្យល្អ រស់នៅក្នុងសង្គម ទើបមានតម្លៃ ប្រទេសជាតិសម្បូសម្បាយរីកចម្រើនទៅថ្ងៃអនាគត់ ៕ សំរិត