ឃាត់ខ្លួនជនសង្ស័យ១នាក់ ពីបទ ប្រើអំពើហិង្សាលើប្រពន្ធដោយសារប្រចណ្ឌ
កោះកុង ៖ ក្រោមការចង្អុលបង្ហាញពីលោកឧត្តមសេនីយ៍ទោស្នងការ នៅថ្ងៃទី០៧ ខែវិច្ឆិកា ឆ្នាំ២០២២ វេលាម៉ោង៩និង១៥នាទីព្រឹក កម្លាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកោះកុង បានឃាត់ខ្លួនមុខសញ្ញាសង្ស័យចំនួន០១នាក់ ឈ្មោះ ហុង បញ្ញា ភេទប្រុស អាយុ៣១ឆ្នាំ ជនជាតិខ្មែរ មុខរបរ នគរបាល មានទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ពីបទ ប្រើអំពើហឹង្សា លើប្រពន្ធដោយការប្រចណ្ឌ តាមបណ្តឹងរបស់ឈ្មោះ ឈុំ ស្រីរ័ត្ន ភេទស្រី អាយុ២៥ឆ្នាំ ជនជាតិខ្មែរ មុខរបរបុគ្គលិកបំរើការងារនៅ KTV មានទីលំនៅស្នាក់នៅបន្ទប់ជួល ស្ថិតក្នុងភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ។
ដោយជនសង្ស័យ បានធ្វើសកម្មភាព ច្របាច់កជនរងគ្រោះនិងបានយកអំបែងកញ្ចក់ចាក់ចំពោះជនរងគ្រោះដោយសារប្រចណ្ឌ បណ្តាលឲ្យរងរបួសធ្ងន់ បច្ចុប្បន្នកំពុងសម្រាកព្យាបាលនៅមន្ទីរពេទ្យ ។
បច្ចុប្បន្ន កម្លាំងជំនាញបានបំពេញសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធី ៕
