រថភ្លេីងបុករថយន្តឡិចស៊ីស៤៧០ បណ្តាលឱ្យព្រះសង្ឃ៣អង្គ រងរបួសធ្ងន់

ភ្នំពេញ​៖​ រថភ្លេីងបុករថយន្តឡិចស៊ីស៤៧០ អូសជាង៥០ម៉ែត្របណ្តាលឱ្យព្រះសង្ឃ៣អង្គ រងរបួសធ្ងន់ និង១អង្គរួមទាំងកូនសិស្សម្នាក់របួសស្រាល។ ហេតុការណ៍នេះបានកើតឡើង នៅថ្ងៃទី០៩ ខែវិច្ឆិកា ឆ្នាំ២០២២ នៅវេលាម៉ោង១១និង៥០នាទីយប់ ស្ថិតនៅក្នុងភូមិទួលលៀប សង្កាត់បឹងស្នោ ខណ្ឌកំបូល រាជធានីភ្នំពេញ។

ប្រភពព័ត៌មានបានឲ្យដឹងថា មុនពេលកើតហេតុ គេបានឃើញ រថយន្តឡិចស៊ីស LX470 មួយគ្រឿង ដឹកព្រះសង្ឃ បេីកបរឆ្លងកាត់ផ្លូវរថភ្លេីង ត្រូវបានរថភ្លេីងបុកអូសជាង៥០ម៉ែត្រ បណ្តាលឲ្យព្រះសង្ឃ៣អង្គ រងរបួសធ្ងន់ ត្រូវបានរថយន្តគ្លីនិកឯកជនដឹកទៅសង្គ្រោះភ្លាមៗ ចំណែកមួយអង្គទៀត រួមទាំងតៃកុងជាកូនសិស្សលោករងរបួសផងដែរ។

តាមប្រភពព័ត៌មានពីកន្លែងកេីតហេតុដដែលបានឲ្យដឹងថា​ គេបានឃេីញរថយន្តម៉ាកឡិចស៊ីស LX 470 ពណ៌ទឹកប្រាក់​ ពាក់ស្លាកលេខ ភ្នំពេញ2L 4981 ធ្វេីដំណេីរតាមបណ្តោយផ្លូវបេតុងក្នុងទិសដៅពីកេីតទៅលិច ខណៈមកដល់ចំណុចកេីតហេតុ ឆ្លងផ្លូវរថភ្លេីង ស្រាប់តែមានរថភ្លេីងមួយខ្សែឆ្លងកាត់ មកជ្រុលបុកអូសជាង៥០ម៉ែត្រ បណ្តាលឲ្យរថយន្តរងការខូចខាតយ៉ាងដំណំ ចំណែកព្រះសង្ឃ៣អង្គរងរបួសធ្ងន់ ១អង្គទៀតនិងកូនសិស្សជាអ្នកបេីករថយន្តរងរបួស្រាល​ ។

ក្រោយកេីតហេតុ ព្រះសង្ឃដែលរងរបួសធ្ងន់ ត្រូវបានរថយន្តឯកជនមួយ មកដឹកយកទៅមន្ទីរពេទ្យភ្លាមៗ ចំណែករថភ្លេីងក៏បន្តដំណេីរទៅមុខទៀត ចំពោះរថយន្តត្រូវបានសមត្ថកិច្ចយកទៅរក្សាទុកជាបណ្តោះអាសន្ន៕