លោកស្រី ឱ វណ្ណឌីន ស្នើឲ្យមជ្ឈមណ្ឌលវេជ្ជសាស្ត្រអិនធើឃែរ បំរើសេវាសុខភាពជួន ពលរដ្ឋឲ្យមានគុណភាពនៅកម្ពុជា

ភ្នំពេញ៖ លោកស្រី ឱ វណ្ណឌីន រដ្ឋលេខាធិការ
ក្រសួងសុខាភិបាល បានស្នើឲ្យមជ្ឈមណ្ឌលវេជ្ជសាស្ត្រអិនធើឃែរ ត្រូវតែ បំរើសេវាសុខភាពជួន ពលរដ្ឋឲ្យមានគុណភាពនៅកម្ពុជា ដើម្បីប្រគួតប្រជែញ សម្រាប់ការងារបម្រើសេវាថែទាំសុខភាព នៅក្រៅប្រទេសផងដែរ។ ខណៈមជ្ឈមណ្ឌលអិនធើឃែរ កំពុងបំរើថែទាំសេវាសុខភាពឈានមុខគេ នៅកម្ពុជាផងនោះ ។
លោកស្រី ឱ វណ្ណឌីន បានបញ្ជាក់បែបនេះ
នៅក្នុងពិធីសម្ពោធជាផ្លូវការដាក់ឲ្យប្រើប្រាស់បំរើសេវាសុខភាពជួនពលរដ្ឋ នៅថ្ងៃទី១៩ខែមករា ឆ្នាំ២០២៣ នៅមជ្ឈមណ្ឌលវេជ្ជសាស្ត្រអិនធើឃែរ អូឡាំផ្ចា អូឡាំពិក រាជធានីភ្នំពេញ។
លោកស្រី ឱ វណ្ណឌីន បានស្នើឲ្យមជ្ឈមណ្ឌលវេជ្ជសាស្ត្រអិនធើឃែរ ត្រូវតែ បំរើសេវាសុខ ភាពជួន ពលរដ្ឋឲ្យមានគុណភាពនៅកម្ពុជា ខណៈ កន្លែងព្យាបាលនេះ កំពុងបំពេញតាមស្តង់ដារ អន្តរជាតិ ដោយ អនុវត្ត តាមនឹងគោរពតាមក្រសួងតាមសុខាភិបាល។ វាមានបរិក្ខារពេទ្យ និងបច្ចេកវិទ្យាទំនើបបំផុត ផងនោះ ។
លោកស្រីបានបន្ដថា៖ មជ្ឈមណ្ឌលវេជ្ជសាស្ត្រ អិនធើឃែរ កំពុងមានបុគ្គលិក ពហុជំនាញ ដែលរួមមានវេជ្ជបណ្ឌិតក្នុងស្រុក និងអន្តរជាតិ ដែលចែករំលែកចំណេះដឹង និងជំនាញរបស់ពួកគេក្នុងការធ្វើឱ្យIntercare ក្លាយជាកន្លែងព្យាបាលដែលមានគុណភាពខ្ពស់ និងមានការទទួលស្គាល់ជាអន្តរជាតិ។
លោកស្រីមានជំនឿថា៖ មជ្ឈមណ្ឌល អិនធើឃែរនឹងដឹកនាំការថែទាំសុខភាពតាមគុណភាព អន្តរជាតិនិងទេសចរណ៍វេជ្ជសាស្រ្ដនៅប្រទេស កម្ពុជា ។ អិនធើឃែរ បានបង្ហាញពីការរីកចម្រើនយ៉ាងខ្លាំងក្នុងរយៈពេលពីរឆ្នាំចុងក្រោយនេះក្នុងការពង្រីកសេវាវេជ្ជសាស្រ្តរបស់ខ្លួន។
អិនធើឃែរ ការចាប់ផ្តើមដំបូងជាបន្ទប់ពិគ្រោះជំងឺនៅខែតុលាឆ្នាំ២០២០ នឹងនៅជួរមុខសំរាប់ជួយសង្គមក្នុងអំឡុងពេលវិបត្តិកូវីដ.១៩ នឹងបានផ្តល់ការថែទាំសុខភាពប្រកបដោយគុណភាព នៅក្នុងប្រទេស។
លោកស្រីបានបញ្ជាក់ថា៖ ចាប់ពីថ្ងៃទី១៩ ខែមករា ឆ្នាំ២០២៣នេះទៅ មន្ទីរពេទ្យបាន បើកសេវាថែទាំថ្មីរួមមានសម្ភព ជំងឺមហារីកICU ជំងឺបេះដូង និងសេវាវះកាត់ ជាមួយនឹង៥៥ គ្រែសម្រាប់អ្នកជំងឺផងដែរ ។ អិនធើឃែរ នឹងផ្តល់សេវាថែទាំសុខភាពចំរុះ នឹងគ្រឿងបរិក្ខារ ដែលអ្នកត្រៀមនឹងសម្ពោធ ដើម្បីផ្តល់សេវាថែទាំសុខភាពដែលមានគុណភាពខ្ពស់ដល់ប្រជាជនកម្ពុជា និងអ្នកជំងឺអន្តរជាតិ។
លោកវេជ្ជបណ្ឌិត Elias Engelking គ្រូពេទ្យវះកាត់ទូទៅនៃមជ្ឈមណ្ឌលវេជ្ជសាស្ត្រ អិនធើឃែរ បានថ្លែងថា៖. អិនធើឃែរ បានសហការជាមួយភាគីពាក់ព័ន្ធជាតិ និងអន្តរជាតិឆ្នើមផ្សេងទៀត។ វិធីសាស្រ្ត នៃការព្យាបាលរួមបញ្ចូលគ្នាទាំងនេះរួមមានផ្នែកនៃការវះកាត់ ទូទៅ ការវះកាត់ឆ្អឹង សុខភាពស្ត្រី ការវះកាត់កុមារ និងច្រើនទៀត។
លោកវេជ្ជបណ្ឌិត Caroline Zabiegaj-Zwick គ្រូពេទ្យវះកាត់កុមារនៃមជ្ឈមណ្ឌលវេជ្ជសាស្ត្រ អិនធើឃែរ បានថ្លែងថា៖ នៅមជ្ឈមណ្ឌលវេជ្ជសាស្ត្រ អិនធើឃែរ យើងមានសំណាងដែលមានក្រុមពិសេសនៃបុគ្គលដែល មានសមត្ថភាពខ្ពស់ពីប្រទេសកម្ពុជា និងក្រៅប្រទេស។ យើងរួមគ្នាធ្វើការ ដើម្បី ផ្តល់ ការ យកចិត្ត ទុកដាក់ តាម គោលការណ៍ ណែនាំ ជាតិ ក៏ដូចជាការប្រកាន់ខ្ជាប់នូវស្តង់ដារ គុណភាព អន្តរជាតិ ។
ផ្នែកវេជ្ជសាស្រ្ដភាគច្រើនដែលត្រូវបានបើកដោយមជ្ឈមណ្ឌលវេជ្ជសាស្ត្រអិនធើឃែរ នឹងនាំមកនូវសមត្ថភាពក្នុងការផ្តល់ការព្យាបាលដែលនឹងលើកកំពស់គុណភាពឱសថក្នុងវិស័យថែទាំសុខភាពក្នុងប្រទេស។ វាក៏ជួយបង្កើនគុណភាពនៃការថែទាំសុខភាពនៅកម្ពុជា ជាជាងពឹងផ្អែកលើប្រទេសជិតខាងក្នុងការព្យាបាល។
ទោះបីជាមានបញ្ហាប្រឈមកន្លងមកក៏ដោយ វិស័យឯកជនថែទាំសុខភាព រួមទាំង អិនធើឃែរ បន្តខិតខំក្នុងការអភិវឌ្ឍន៍ និងកែលម្អ និងយុទ្ធសាស្ត្រថែទាំសុខភាពឲ្យបានល្អ ។
លោក Jason Harrison អ្នកគ្រប់គ្រងទូទៅនៃមជ្ឈមណ្ឌលវេជ្ជសាស្ត្រ អិនធើឃែរ បានថ្លែងថា៖ ខ្ញុំសប្បាយចិត្តជាខ្លាំងដែល បានឃើញថា យើងមកដល់កម្រិតណា។ អិនធើឃែរ គឺជាមជ្ឈមណ្ឌល រួមបញ្ចូលគ្នា្នផ្នែកវេជ្ជសាស្រ្តដ៏ទំនើប ជាមួយនឹងបទពិសោធន៍យ៉ាងទូលំទូ លាយក្នុងការថែទាំសុខភាពក្នុងប្រទេសកម្ពុជា បេសកកម្មរបស់អិនធើឃែរ ដើម្បីក្លាយជាកន្លែងព្យាបាលឈានមុខគេដែលធានានូវស្តង់ដារនៃការថែទាំសុខភាពដ៏ល្អឥតខ្ចោះសម្រាប់អ្នកជំងឺ និងសហគមន៍៕ សំរិត