បង្ក្រាបអ្នកជួញដូរគ្រឿងញៀន ឃាត់ប្រុស២នាក់និងនារីម្នាក់ ហូតបានគ្រឿងញៀនជិតកន្លះគីឡូ
ភ្នំពេញ៖ ជនង្ស័យជាអ្នកជួញដូរគ្រឿងញៀនចំនួន៣នាក់ត្រូវបានកម្លាំងនគរបាលខណ្ឌពោធិ៍សែនជ័យ ធ្វើការឃាត់ខ្លួន ព្រមទាំងដកហូតបានថ្នាំញៀនជិតកន្លះគីឡូក្រាម កាលពីវេលាម៉ោង២និង៣០នាទីរសៀលថ្ងៃទី១៩ខែតុលាឆ្នាំ២០១៨ នៅចំណុចផ្ទះមួយកន្លែងភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យទី១ឈ្មោះឯម វិបុល ភេទប្រុសអាយុ៣២ ឆ្នាំមុខរបរ ជាងម៉ាស៊ីនត្រជាក់ រស់នៅភូមិត្រពាំងល្វា សង្កាត់កាកាបទី១ខណ្ឌពោធិ៍សែនជ័យ ទី២ឈ្មោះ ឡឹក ប្រុស អាយុ៣៣ឆ្នាំ មុខរបរសំណង់ រស់នៅភូមិចំការស្បូវ ឃុំអង្គពពេល ស្រុកគង់ពិសី ខេត្តកំពង់ស្ពឺ ទី៣ឈ្មោះស្រី ពៅ អាយុ២៤ឆ្នាំ មុខរបនារីខារ៉ាអូខេ ស្នាក់នៅកន្លែងធ្វើការភូមិត្រពាំងល្វាសង្កាត់កាកាបទី១ ខណ្ឌពោធិ៍សែនជ័យមាន ស្រុកកំណើតនៅភូមិ ឃុំអង្គង ស្រុកមោងឫស្សី ខេត្តបាត់ដំបង។
តាមសមត្ថកិច្ចបានឲ្យដឹងថា មុនឈានដល់ការឃាត់ខ្លួនជនសង្ស័យខាងលើដោយមានប្រជាពលរដ្ឋបានរាយការណ៍ប្រាប់ថាទីតាំងខាងលើមានការប្រើប្រាស់និងជួញដូរគ្រឿងញៀនទើបលោកវីរះសេនីយ៍ឯក យឹម សារ៉ាន់ អធិការនគរបាលខណ្ឌពោធិ៍សែនជ័យបញ្ជាកម្លាំងនគរបាលប៉ុស្តិ៍កាកាបទី១ចុះបង្ក្រាបនៅចំណុចខាងលើភ្លាមៗនិងធ្វើការឆែកឆេរកឃើញថ្នាំញៀនក្រាមថ្លាចំនួន២កញ្ចប់ធំៗស្មើនិងជិតកន្លះគីឡូទើបធ្វើការឃាត់ខ្លួនជនសង្ស័យទាំង៣នាក់តែម្តង។
ក្រោយបង្ក្រាបទីតាំងខាងលើត្រូវបាននគរបាលបិតទ្វាចោលជាបណ្ណោះអាសន្នសិនចំណែកជនសង្ស័យត្រូវបានបញ្ជូនទៅផ្នែកព្រហ្មទណ្ឌនៃអធិការនគរបាលខណ្ឌពោធិ៍សែនជ័យរងចាំចាត់ការតាមនិតិវិធីច្បាប់៕
