ឡានដឹកដីបើកបុកព្រលះ បង្កាន់ដៃស្ពានព្រែកអ្នកតាវាំង ខ្ទេចទាំងឡាននិងបង្កាន់ដៃស្ពាន
ភ្នំពេញ៖យុវជនម្នាក់បានរងរបួសជាទម្ងន់ខណៈពេលបើករថយន្ត ដឹកដីមួយគ្រឿងបើកបោះពួយយ៉ាងលឿនដូចហោះរួចជ្រុលចង្កូតទៅបុកព្រលះចំបង្កាន់ដៃស្ពានព្រែកអ្នកតាវាំងបណ្ដាលរងការខូចខាតខ្ទេចខ្ទីទាំងឡាននិងបង្កាន់ដៃស្ពាន។
គ្រោះថ្នាក់ចរាចរណ៍នេះកើតឡើងនៅលើព្រែកអ្នកតាវាំងដែលស្ថិតនៅលើកំណាត់ផ្លូវកៅស៊ូលេខ១១០ក្នុងមូលដ្ឋាន សង្កាត់ព្រែកថ្មី ខណ្ឌច្បារអំពៅ នៃរាជធានីភ្នំពេញ កាលពីម៉ោងជាង១០យប់នា ថ្ងៃទី១៦ខែធ្នូឆ្នាំ២០២៣នេះ។
បន្ទាប់ពីកើតហេតុដ៏រន្ធត់នេះរួចមកគេសង្កេតឃើញក្រុមសមត្ថកិច្ចប៉ូលិសជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះទៅដល់កន្លែងកើតហេតុរួចធ្វេីការវាស់វែងយករថយន្តបង្កទៅរក្សាទុកដេីម្បីរងចាំដោះស្រាយនៅពេលក្រោយផងដែរ ៕