រដ្ឋសភា នឹងបន្ដសម័យប្រជុំលើកទី២ នីតិកាលទី៧ នៅថ្ងៃទី២៥ ខែកក្កដា

ភ្នំពេញ៖រដ្ឋសភា នឹងបន្តសម័យប្រជុំ លើកទី២ នីតិកាលទី៧ នៅថ្ងៃទី២៥ ខែកក្កដា ឆ្នាំ២០២៤ ខាងមុខនេះ ដើម្បីពិភាក្សា និងអនុម័តសេចក្តីព្រាងច្បាប់ស្តីពីការអនុម័ត យល់ព្រមលើអនុសញ្ញាស្តីពី ឯកភាវូបនីយកម្មនៃវិធានមួយចំនួនពាក់ព័ន្ធ នឹងការដឹកជញ្ជូនអន្តរជាតិតាមផ្លូវអាកាស។

នេះបើយោងតាម សេចក្ដីប្រកាសព័ត៌មាន ដែលទទួលបាន នាព្រឹកថ្ងៃទី២៣ ខែកក្កដា ឆ្នាំ២០២៤នេះ។

ការសម្រេចលើរបៀបវារៈនេះ បានធ្វើឡើងបន្ទាប់ពី រដ្ឋសភាបើកកិច្ចប្រជុំ គណៈកម្មាធិការអចិន្ត្រៃយ៍ពិភាក្សា និងអនុម័តលើរបៀបវារៈ ចំនួន២៕