មន្ត្រីជាន់ខ្ពស់ក្រសួងសុខាភិបាលអំពាវនាវឲ្យិមន្ត្រីសុខាភិបាលដើររួមគ្នាដើម្បីលើកកំពស់វិស័យសុខាភិបាល

ភ្នំពេញ៖ឯកឧត្តម ឡឹម តារា រដ្ឋលេខាធិការនិងជាតំណាងឯកឧត្តមរដ្ឋមន្ត្រីក្រសួង សុខាភិបាលបានអំពាវនាវឲ្យិមន្ត្រីសុខាភិបាល អ្នកបំពេញការងារលើវិស័យសុខាភិបាលត្រូវដើររួមគ្នាក្នុងការលើកកំពស់វិស័យសុខាភិបាល។ឯកឧត្តមរដ្ឋលេខាធិការបន្តថា៖ការចូលរួមធ្វើនិយត័កម្មពង្រឹងគុណភាពទាំងសាធារណៈនិង ឯកជនទៅតាមនិយាមស្តង់ដាកុំឧ្យិហួសដែនកំណត់វិជ្ជាជីវៈ។ឯកឧត្តមឡឹម តារា បានលើកឡើងពីចំណុចគន្លឹៈទាំង៩របស់ក្រសួងសុខាភិបាលដែលត្រូវបានអនុវត្តរហូតដល់ពេលបច្ចុប្បន្ន គឺលើកកំពស់សុខមាលភាពប្រជាពលរដ្ឋ,ប្រយុទ្ធប្រ ឆាំងនឹងជំងឺឆ្លង,ទប់ស្កាត់ជំងឺឆ្លងជាសាកលដែលអាចកើតមាន។ត្រៀមលក្ខណៈ ជំងឺកើតមានតាមការប្រែប្រួលអាកាសធាតុ,ជំងឺមិនឆ្លង,លើកកំពស់សេវាសុខភាព,ចូលរួមអនុវត្តនយោបាយគាំពារសង្គម,រាជរដ្ឋាភិបាលបានយកចិត្តទុកដាក់ បរិវត្តកម្មតាមរយះការពង្រឹងប៉ុស្ត៏សុខភាពនៅតាមមូលដ្ឋានតាមរយះការបំពាក់ឧបករណ៏ និងថ្នាំពេទ្យ,ពង្រឹងសេវាសង្គ្រោះបន្ទាន់ជាដើម។ឯកឧត្តម មានប្រសាសន៏ដូច្នេះក្នុងឧិកាសបិទសន្និបាតបូកសរុបការងាររបស់មន្ទីរសុខាភិបាលរាជធានីភ្នំពេញនារសៀលថ្ងៃទី២មេសា ឆ្នាំ២០២៥នេះ។
លោកងី មានហេង ប្រធានមន្ទីរសុខាភិបាលរាជធានីភ្នំពេញបានគូសបញ្ជាក់ថា៖អង្គសន្និបាតបានប្តេជ្ញារួមគ្នាដើម្បីពុះពារ ជម្នៈគ្រប់ឧបសគ្គ ដោះស្រាយរាល់បញ្ហាប្រឈមដែលអាចកើតមាន និងបានឯកភាពលើទិសដៅអនុវត្ត ការងារឆ្នាំ២០២៥របស់មន្ទីរសុខាភិបាលរាជធានីភ្នំពេញបន្ថែមលើលទ្ធផល បញ្ហាប្រឈម និងទិសដៅមួយចំនួនផ្អែកតាមលទ្ធផលនៃការពិភាក្សាជារួម៕