ជនជួញដូរថ្នាំញៀន២នាក់ត្រូវប៉ូលិសចាប់បាន
ភ្នំពេញៈជនជួញដូរថ្នាំញៀន២នាក់ត្រូវ បានកម្លាំងសមត្ថកិច្ចប៉ុស្ដិ៍នគបាលគីឡូម៉ែត្រលេខ៦ ស្រាវជ្រាវឃាត់ខ្លួនជាក់ស្ដែងបាន២នាក់។
លោកគល់ យី អធិការប៉ូលិសខណ្ឌឫស្សីកែវ បានអោយដឹងថាការចាប់ឃាត់ខ្លួន ជនជួញដូរថ្នាំញៀននេះគឺបានធ្វើឡើងនៅត្រង់ចំណុចសង្កាត់គីឡូម៉ែត្រលេខ៦ ខណ្ឌឬស្សីកែវកាលវេលាម៉ោង ៩ថ្ងៃទី០៣ខែធ្នូ ឆ្នាំ២០១៨។
លោកអធិការបានឱ្យដឹងថាជនសង្ស័យ២នាក់ចែកចាយ នឹងប្រើប្រាស់នូវសារធាតុញៀនត្រូវបានកម្លាំង សមត្ថកិច្ចស្រាវជ្រាវនឹងធ្វើការ បង្ក្រាបជាក់ស្ដែងបាន ទី១ឈ្មោះ យុង បូរ៉ា ហៅ រ៉ា ភេទប្រុស ជនជាតិខ្មែរ អាយុ ២៨ ឆ្នាំ ។ ទី២ឈ្មោះ រ៉ូ យាំងហាំង ហៅ រ៉ូ ភេទប្រុស អាយុ ២៣ ឆ្នាំ ។
វត្ថុតាងដកហូតបានរួមមានក្រាមសថ្លាសង្ស័យ សារធាតុញៀនចំនួន១៣កញ្ចប់ថង់តូចរួមនឹងសម្ភារៈ ប្រើប្រាស់មួយចំនួន។ បច្ចុប្បន្នជនសង្ស័យខាងលើរួមវត្ថុតាងត្រូវបានកម្លាំង សមត្ថកច្ចប៉ុស្ដិ៍គីឡូម៉ែត្រលេខ៦ សាកសួររួចកសាងសំណុំរឿងបញ្ជូនខ្លួន ទៅអធិការដ្ឋានខណ្ឌឬស្សីកែវដើម្បី កសាងសំណុំរឿងបន្តចាត់ទៅតាមនីតិវិធីច្បាប់៕