កម្ពុជានឹងបើកយុទ្ធនាការហូបនំបញ្ចុកទូទាំងប្រទេស”នំបញ្ចុកសាមគ្គីជាតិ”នៅថ្ងៃទី៩ ខែមិថុនា
ភ្នំពេញ៖ សម្តេចតេជោ ហ៊ុន សែន បានប្រកាសជាសាធារណៈថា កម្ពុជានឹងបើកយុទ្ធនាការហូបនំបញ្ចុកទូទាំងប្រទេស”នំបញ្ចុកសាមគ្គីជាតិ”នៅថ្ងៃទី៩ ខែមិថុនា ឆ្នាំ២០១៩ ។
នេះមិនមែនជាយុទ្ធសាស្ត្រយកបន្លាជួសបន្លាទេ តែជាយុទ្ធសាស្ត្រយកខ្នងពូថៅ វាយកម្ទេចបន្លាចោល។
សម្តេចតេជោហ៊ុនសែន បានស្នើឲ្យប្រជាពលរដ្ឋ ក៏ដូចជាមន្ត្រីរាជការទូទាំងប្រទេស យកថ្ងៃទី៩ ខែមិថុនាខាងមុខនេះ ធ្វើកម្មវិធីហូបនំបញ្ចុកទាំងអស់គ្នា ។
ការស្នើរបស់សម្តេចអគ្គមហាសេនាបតីតេជោ ហ៊ុន សែន នាយកដ្ឋមន្ត្រីនៃព្រះរាជាណាចក្រកម្ពុជាបែបនេះ ធ្វើឡើងនៅក្នុងពិធីប្រគល់សញ្ញាបត្រដល់និស្សិត នៅសាលាវិទ្យាល័យភូមិន្ទភ្នំពេញ នៅព្រឹកថ្ងៃទី៣ ខែ មិថុនា ។ សម្តេចតេជោ បានមានប្រសាសន៍ថា នំបញ្ចុកស្នេហាជាតិជាយុទ្ធសាស្ត្រ របស់ក្រុមប្រឆាំងដែល ចង់ប្រើមនោគមន៍ថា អ្នកហូបនំបញ្ចុក គឺគាំទ្រខ្លួន ដើម្បីប្រឆាំងនឹងរាជរដ្ឋាភិបាលកម្ពុជា ។ សម្តេចតេជោបន្តថា សូមឲ្យសមាជិកសមាជិកាគណបក្សប្រជាជនកម្ពុជាទាំងអស់ ដែលជាសមាជិករបស់សម្ដេចថា បើគេយកថ្ងៃទី៩ មិថុនា ជាទិវាហូបនំបញ្ចុក យើងក៏យកថ្ងៃទី៩ ខែមិថុនានេះជាថ្ងៃ ហូបនំបញ្ចុកទាំងអស់គ្នាដែល ហើយបើគេហៅស៊ីយើងក៏ស៊ីទៅ ។ សម្តេចតេជោបន្ថែមថា ប្រសិនបើក្រុមប្រឆាំង បង្កើតអ្វីដែលមានគំនិតជាឧទ្ធាមក្រៅច្បាប់ នោះសមាជិកគណបក្សប្រជាជនធ្វើនឹងតបទៅវិញ គឺយកបន្លាជួសបន្លា ។សម្តេចតេជោ បានបញ្ជាក់ថា នំបញ្ចុកសាមគ្គីជាតិ មិនមែននំបញ្ចុកបំបែកបំបាក់ជាតិនោះទេ នំបញ្ចុកគឺជារបស់ខ្មែរ ដូច្នេះកុំយករឿងនំបញ្ចុក ឲ្យក្លាយទៅជារឿងនយោបាយ ។
ឥឡូវខ្ញុំសូមប្រកាសថា ជូនប្រជាពលរដ្ឋកម្ពុជា ជាពិសេសចំពោះសមាជិកសមាជិកាគណបក្សប្រជាជន និងអ្នកគាំទ្រគណបក្សប្រជាជន សូមទទួលទាននំបញ្ចុកទាំងអស់គ្នា ហើយឮគេថាយកថ្ងៃ 9 ធ្វើជាតិទិវានំបញ្ចុក សូមថ្ងៃ 9នេះ សមាជិកសមាជិកាគណបក្សប្រជាជន តាមខេត្ត ថ្នាក់នាំពង្រឹងនាំគ្នា ចុះមូលដ្ឋានរៀបចំនំបញ្ចុក ឲ្យសមាគចិត្តគណបក្ស ឲ្យសមាជិកគណបក្សប្រជាជន ស៊ីថ្ងៃ 9។ នេះមិនមែន យកបន្លាជួសបន្លាទេ គឺយកពូថៅវ៉ៃបន្លាក្រវ៉ាត់ចោលតែម្ដង កុំអោយវាចង្រៃពេក ថ្ងៃក្រោយប្រកាសស៊ីនំគ្រក់ ប្រកាសសី្តបាញ់ឆាវៗ អញប្រកាសស៊ីបាញ់ឆែវ លើកលែងតែប្រកាសនាំគ្នាស៊ីដុំថ្ម គឺស៊ីតែពួកវាទៅ។
សម្តេចតេជោ បានលើកឡើងថា នំបញ្ចុកស្នេហាជាតិជាយុទ្ធសាស្ត្រ របស់ក្រុមប្រឆាំង ដែលចង់ប្រើមនោគមន៍ថា អ្នកហូបនំបញ្ចុក គឺគាំទ្រខ្លួន ដើម្បីប្រឆាំងនឹងរាជរដ្ឋាភិបាល ។ សម្តេចតេជោបានបន្ថែមថា សូមឲ្យសមាជិកសមាជិកគណបក្សប្រជាជនទាំងអស់យកថ្ងៃទី៩ ខែមិថុនាខាងមុខនេះ បើកវេទិកាហូបនំបញ្ចុកនៅទូទាំងប្រទេស ។
សម្តេចតេជោ បញ្ជាក់ថា “បើគេយកថ្ងៃទី៩ មិថុនា ជាទិវាស៊ីនំបញ្ចុក យើងក៏យកថ្ងៃទី៩ នឹងហូបនំបញ្ចុកទាំងអស់គ្នា ហើយបើគេហៅស៊ីយើងក៏ស៊ីទៅ ។ ប្រប្រសិនបើគេបង្កើតអ្វីដែលមានគំនិតជា ឧទ្ធាមក្រៅច្បាប់សមាជិកគណបក្សប្រជាជនធ្វើនឹងតប តែលើកលែងតែក្រុមប្រឆាំង នាំគ្នាស៊ីដុំថ្មយើងមិនធ្វើតាមទេ គឺទុកគឺទុកឲ្យក្រុមនឹងស៊ីចុះ” ៕
