រថយន្តបុកជាមួយម៉ូតូបញ្ច្រាសទិសគ្នា បណ្តាលឲ្យស្លាប់បុរសម្នាក់ នៅក្រុងសំរោង
ឧត្តរមានជ័យ ៖ មានកណីគ្រោះថ្នាក់ចរាចរណ៍មួយកើតឡើង រវាងរថយន្ដនិងម៉ូតូ ក្នុងទិសដៅបញ្ច្រាសទិសនៅលើកំណាត់ផ្លូវខេត្តលេខ២៦៨៦ ចន្លោះគីឡូម៉ែត្រលេខ៤-៥ ស្ថិតក្នុងភូមិគីរីវន្ត សង្កាត់សំរោង ក្រុងសំរោង ខេត្តឧត្តរមានជ័យ បណ្តាលឲ្យស្លាប់បុរសម្នាក់ នៅថ្ងៃទី១៨ ខែកក្កដា ឆ្នាំ២០១៨ វេលាម៉ោង ១០និង៣៩នាទី ។
អ្នកបើកបរម៉ូតូឈ្មោះ យ៉ម យឿម ភេទប្រុស អាយុ៥២ឆ្នាំ រស់នៅភូមិស្រះព្រិច សង្កាត់កូនក្រៀល ក្រុងសំរោង ខេត្តឧត្តរមានជ័យ (ស្លាប់នៅនឹងកន្លែងកើតហេតុ) ចំណែកអ្នកបើកបររថយន្តម៉ាក្ស RX.300 រត់គេចខ្លួនបាត់ បន្សល់ទុកនៅរថយន្តនៅកន្លែងកើតហេតុ ។ ករណីនេះ រថយន្តខូចស្រាល១គ្រឿង និងម៉ូតូខូចធ្ងន់ ។
សមត្ថកិច្ចបានសន្និដ្ឋានថា គ្រោះថ្នាក់ចរាចរណ៍នេះ បណ្តាលមកពីភាគីម៉ូតូបើកបរមិនប្រកាន់ស្តាំ ។
បច្ចុប្បន្ន នគរបាលចរាចរណ៍បានវាស់វែង និងនាំយកមធ្យោបាយទាំង២គ្រឿងមករក្សាទុកបណ្តោះអាសន្ន ដើម្បីរង់ចាំដោះស្រាយតាមច្បាប់ ៕
