លោកផ្ផ្កាយពីរ អ៊ុក គឹមលី រងការចោទប្រកាន់ថារំលោភយកដីពលរដ្ឋ ២០០ ហិកតា នៅស្រុកអន្លង់វែង
ភ្នំពេញ៖ នៅថ្ងៃទី២៧ ខែធ្នូ ឆ្នាំ២០១៩ មានប្រជាពលរដ្ឋ ចំនួន៨៧គ្រួសារមកពីភូមិជើងភ្នំ ឃុំត្រពាំងប្រីយ៍ ស្រុកអន្លង់វែង បានលើកគ្នាមកសាលាខេត្តឧត្ដរមានជ័យ សុំការអន្តរាមន៍ពីអភិបាលខេត្ត រឿងលោកអ៊ុក គឹមលី បានរំលោភ យកដីស្រែចំការរបស់ពួកគាត់ចំនួន២០០ហិក តា ស្ថិតនៅភូមិជើងភ្នំ ឃុំត្រពាំងប្រីយ៍ ស្រុក អន្លង់វែង ខេត្តឧត្តរមានជ័យ ។ នេះបើតាមការផ្សាយព័ត៌មាន លើហ្វេសប៊ុកលោកផែង វណ្ណៈ នៅថ្ងៃទី២៩ធ្នូនេះ។
ប្រជាពលរដ្ឋបានលើកឡើងថា កាលពីកន្លងទៅលោក អ៊ុក គឹមលី បានឲ្យលោក គឹម សំណាង អនុប្រធានការិយាល័យភូមិបាលស្រុកអន្លង់វែងទៅវាស់វែងលើដីរបស់គាត់ពេលពួកគាត់តាមសួរនាំដល់ផ្ទះចំការលោក អ៊ុក គឹមលី បែរជាលោកអ៊ុក គឹមលី ឲ្យកម្មករយាមចំការប្ដឹងពួកគាត់មកតុលាការពីបទ រំលោភលំនៅឋាន និងប៉ុនប៉ងមនុស្សឃាដ និងឲ្យតុលាការចាប់ពួកគាត់ដាក់គុក ។
ក្រុមពលរដ្ឋបានបន្តថា៖ លោកផ្កាយពីរ អ៊ុក គឹមលី មិនត្រឹមតែរំលោភយកដី របស់ពួកគាត់ចំនួន ជាង២០០ហិកតាប៉ុណ្ណោះទេ ថែមទាំងយកគ្រឿងចក្រឈូសឆាយ យកដីព្រៃ និងភ្នំរបស់រដ្ឋរាប់រយហិកតាបន្ថែមទៀត នៅតំបន់ខាងលើ ។
ជុំវិញករណីខាងលើ អ្នកយកព័ត៌មាន មិនទាន់ស្វែងរកសុំការបំភ្លឺពីលោកអ៊ុក គឹមលី បានទេ នៅថ្ងៃទី២៩ ខែធ្នូ ឆ្នាំ២០១៩នេះ ៕
