ចុះពង្រឹងការងារសន្តិសុខនិងរឹត បន្តឹងច្បាប់ចរាចរណ៍ តាមមហាវិថីព្រះសីហនុជិតវត្តមហាមន្រ្តី

ភ្នំពេញ ៖លោកធឹម សំអាន អភិបាលខណ្ឌបឹងកេងកងបានលើកឡើងដោយសង្កត់ធ្ងន់ថាដើម្បីរក្សាការពារអោយបាននូវសន្តិសុខ សុវត្ថិភាព សណ្ដាប់ធ្នាប់សាធារណៈនិងបង្កា ទប់ស្កាត់ រាល់បទល្មើសនានាតាមដងផ្លូវនិងតាមដងមហាវិថីនៅក្នុងមូលដ្ឋានភូមិសាស្រ្តខណ្ឌបឹងកេងកងនៃរាជធានីភ្នំពេញកាលពីម៉ោងជាង៨យប់ថ្ងៃទី២១ខែមករាឆ្នាំ២០២០នេះក្នុងនាមរូបខ្ញុំជាប្រធានគណៈបញ្ជាការឯកភាពខណ្ឌបឹងកេងកងដោយបានដឹកនាំកម្លាំងចម្រុះចុះត្រួតពិនិត្យឆែកឆេរនូវអាវុធជាតិផ្ទុះ គ្រឿងញៀន វាស់ជាតិអាកុល និងអនុវត្តរឹងបន្តឹងនូវច្បាប់ចរាចរណ៍ផ្លូវគោក នៅលើកំណាត់មហាវិថីព្រះសីហនុខាងមុខវត្តមហាមន្រ្តីក្នុងមូលដ្ឋានសង្កាត់អូឡាំពិកខណ្ឌបឹងកេងកងរាជធានីភ្នំពេញ។
លោកអភិបាលខណ្ឌបឹងកេងកងធឹម សំអាន បានមានមតិលើកឡើងបន្តទៀតថាចំពោះការងារចុះត្រួតពិនិត្យអាវុធជាតិផ្ទុះ រឹតបន្តឹងនូវច្បាប់ចរាចរណ៍ផ្លូវគោក ត្រួតពិនិត្យវាស់ជាតិអាកុលនិងបទល្មើសផ្សេងៗនាយប់នេះដោយមានកម្លាំងចម្រុះចូលរួម ជាច្រើននាក់​ ក្នុងនោះរួមមាន៖កម្លាំងមន្ត្រីខណ្ឌនិង កម្លាំងប្រជាការពារសណ្ដាប់ធ្នាប់ខណ្ឌ​កម្លាំងអធិការនគរបាលខណ្ឌនិង កម្លាំងប៉េអឹមខណ្ឌព្រមទាំងកម្លាំងសង្កាត់ កម្លាំងប៉ុស្ដិ៍ផងដែរ។
សូមបញ្ជាក់ផងដែរថាជានិច្ចកាលជារៀងរាល់យប់ ថ្ងៃជាពិសេសនាឱកាសជិតដល់ថ្ងៃបុណ្យចូលឆ្នាំចិនកម្លាំងគណ:បញ្ជាការឯកភាពខណ្ឌបឹងកេងកងក្រោមការដឹកនាំពីសំណាក់លោកធឹម សំអានជាអភិបាលខណ្ឌនិង ជាប្រធានគណៈបញ្ជាការឯកភាពខណ្ឌបឹងកេងកងតែងតែដឹកនាំកម្លាំងចម្រះចុះត្រួតពិនិត្យឆែកអាវុធជាតិផ្ទុះ គ្រឿងញៀន វាស់ជាតិអាកុល និងអនុវត្តរឹងបន្តឹងនូវច្បាប់ចរាចរណ៍ផ្លូវគោក នៅតាមបណ្តោយផ្លូវនិងតាមមហាវិថីសំខាន់ៗនៅក្នុងមូលដ្ឋានខណ្ឌបឹងកេងកងនៃរាជធានីភ្នំពេញហើយនៅតាមគោលដៅនិមួយៗដែលបានកំណត់តួយ៉ាងដូចជាយប់មិញនេះជាដើមហើយជាពិសេសមានអង្គភាពទាំងពីរ គឺ អធិការដ្ឋាននគរបាលខណ្ឌបឹងកេងកង និង ប៉េអឹមខណ្ឌព្រមទាំងកម្លាំងប្រជាការពារខណ្ឌ ,សង្កាត់ដោយបានដាក់កម្លាំងជិះម៉ូតូចេញល្បាត ពួនស្ទាក់លើ២៤ម៉ោង នៅក្នុងភូមិសាស្ត្រខណ្ឌបឹងកេងកងដែលមាន៧សង្កាត់និងកន្លែងដែលប្រជាជនគាត់ប្រមូលផ្ដុំគ្នាមកដើរលេងកម្សាន្តនៅតាមទីសាធារណៈ សួនកម្សាន្ត នានានិង តាមទីផ្សារទំនើប ៗ,អាហារដ្ឋាននានា ផងដែរដើម្បីរក្សាការពារអោយបាននូវសន្តិសុខ សុវត្ថិភាព សណ្ដាប់ធ្នាប់ សាធារណៈរបៀបរៀបរយជូនដល់បងប្អូនប្រជាជនក្នុងមូលដ្ឋាននិងប្រជាជនអ្នកដំណើរតាមយានយន្តគ្រប់ប្រភេទខណៈពេលពួកគាត់ធ្វើដំណើរតាមដងផ្លូវទាំងពេលថ្ងៃនិងពេលយប់ព្រលប់ដោយឆ្លងកាត់មូលដ្ឋានខណ្ឌបឹងកេងកងក្នុងនោះដោយត្រួតពិនិត្យ ការពារសន្តិសុខ សុវត្ថិភាព ត្រៀមកម្លាំងបង្កា ទប់ស្កាត់ និងបង្ក្រាប រាល់បទល្មើសផ្សេងៗ អោយបានទាន់ពេលវេលាជូនដល់បងប្អូនប្រជាជនក្នុងមូលដ្ឋានខណ្ឌបឹងកេងកងនិងអ្នកដំណើរផងដែរ ៕