អភិបាលរាជធានីជម្រុញអោយអាជ្ញាធរ ខណ្ឌដូនពេញ ពង្រឹងសន្តិសុខសណ្តាប់ធ្នាប់និងអនាម័យបរិស្ថានដើម្បីការពារពានរង្វាន់ផ្ការំដួល៣ទង
ភ្នំពេញ៖ អភិបាលរាជធានីភ្នំពេញបានជំរុញឲ្យអភិបាលខណ្ឌដូនពេញពង្រឹងការថែរក្សាសន្តិសុខ សណ្តាប់ធ្នាប់និងអនាម័យបរិស្ថានអោយបានល្អ មិនត្រឹមតែធានាបានសោភ័ណភាពបរិស្ថាន សុខមាលភាពរបស់ប្រជាពលរដ្ឋប៉ុណ្ណោះទេ គឺត្រូវតែការពារអោយន៊បាននូវ ពានរង្វាន់ផ្ការំដួល៣ទងថែមទៀត។
លោកឃួង ស្រេង អភិបាលរាជធានីភ្នំពេញបាន
ជម្រុញអោយអភិបាលខណ្ឌដូនពេញគឺលោកសុខ ពេញវុធត្រូវ លុបបំបាត់ឲ្យបានរាល់ល្បែងស៊ីសងគ្រប់ប្រភេទ បញ្ហាចោរកម្ម ក្មេងទំនើង សណ្តាប់ធ្នាប់សាធារណៈ បញ្ហាអនាម័យសំរាមជាដើម ដើម្បីឲ្យខណ្ឌនេះនៅតែរក្សាបានភាពស្អាត នៅតែទទួលបានពានរង្វាន់ផ្ការំដួលបីទងដែលជាទីក្រុងស្អាតជាងគេ។
ការជម្រុញបែបនេះរបស់លោកឃួង ស្រេង បានធ្វើឡើងក្នុងពិធីប្រកាសឲ្យដំណើរការរចនាសម្ព័ន្ធថ្មី នៃរដ្ឋបាលខណ្ឌដូនពេញ កាលពីព្រឹកថ្ងៃទៅ ១២ ខែកុម្ភៈនៅសាលាខណ្ឌដូនពេញ ដោយលោកអភិបាលរាជធានីភ្នំពេញ បញ្ជាក់ថា ចាំបាច់ណាស់ខណ្ឌដូនពេញ ត្រូវតែល្អស្អាតឲ្យបានជាប់ជាប្រចាំ ព្រោះខណ្ឌនេះ ជាចំណុចកណ្តាលនៃរាជធានីភ្នំពេញ សំបូរ ទៅដោយតំបន់ទេសចរណ៍ដែលទាក់ទាញភ្ញៀវមកទស្សនាកម្សាន្តជាច្រើន។
លោកឃួង ស្រេងបាន បញ្ជាក់ថា អភិបាលខណ្ឌដូនពេញត្រូវចុះពិនិត្យការលក់ដូររបស់ប្រជាពលរដ្ឋនៅលើចិញ្ចើញផ្លូវ សាធារណៈ ដោយមិនត្រឹមតែខូចសណ្តាប់ធ្នាប់និងរបៀបរៀបរយសាធារណៈប៉ុណ្ណោះទេ ប៉ុន្តែ ពួកគាត់បានបង្កើតជាសំរាម គ រាយប៉ាយដោយគ្មានទំនួលខុសត្រូវក្រោយពីការលក់ដូររួច។ បន្ថែមពីនេះទៀតត្រូវសន្យាលុបបំបាត់ឲ្យអស់នូវល្បែងកន្ទុយលេខតាមផ្សារ ល្បែងស្ទួចត្រីខុស ច្បាប់ដែលកំពុងមានសកម្មភាពរីកដុះដាលច្រើន។
នៅក្នុងឱកាសនោះដែរ លោកអភិបាលរាជធានីភ្នំពេញក៏បានណែនាំដល់អភិបាល ខណ្ឌទំាងអស់ជួយជំរុញឲ្យប្រជាពលរដ្ឋបង់ថ្លៃប្រមូលសំរាមអោយបានទៀតទាត់ ដើម្បីបំពេញកាតព្វកិច្ចជាពលរដ្ឋល្អ ក្នុងការចូលរួម ធានាធ្វើឲ្យរាជធានីភ្នំពេញ នៅតែរក្សាបានភាពស្អាតមានផាសុខភាព និងគុណភាពបរិស្ថាន។
លោកបានថ្លែងថា ក្នុងរយៈពេល៨ខែទៀតការ រៀបចំនីតិវិធីក្នុងការគ្រប់គ្រងបញ្ហាសំរាមនេះបានល្អ ទំាងការប្រមូលសំរាម និងការបង់ថ្លៃសេវា ប្រមូលសំរាម ដោយមានក្រុមហ៊ុនត្រឹមច្បាស់លាស់ ក្នុងការអនុវត្តកិច្ចការនេះ។
សូមបញ្ជាក់ថារដ្ឋបាលរាជធានីភ្នំពេញបានប្រកាសបើកទទួលយកថ្លៃប្រមូលសំរាមពីប្រជាពលរដ្ឋ ចាប់ពីថ្ងៃទី១ ខែកុម្ភៈដល់ថ្ងៃទី១៥ ខែកុម្ភៈ តាមរយៈប្រព័ន្ធទូរទាត់អេឡិចត្រូនិច ដើម្បីបង្កលក្ខណៈងាយ ស្រួលដល់ប្រជាពលរដ្ឋដែលចំណេញពេលវេលា និងកាត់បន្ថយការចំណាយផងដែរ។ប្រជាពលរដ្ឋដែលត្រូវបង់ថ្លៃសេវាប្រមូលសំរាមនៅក្នុងខែមករានេះ គឺគ្មានការប្រែ ប្រួលទេ គឺអនុវត្តន៍ តាម តារាងតម្លៃកាលពីខែតុលា ឆ្នាំ២០១៩កន្លងទៅជាគោល៕