អ្នកជំងឺ COVID-19 កើនដល់ ១០៧ ករណី
ភ្នំពេញ៖ ក្រសួងសុខាភិបាល បានប្រកាសថា រហូតម៉ោង ៩និង២០នាទីព្រឹក ថ្ងៃទី ៣០ មីនា ២០២០ យើងរកឃើញអ្នកជំងឺ COVID-19 ៤នាក់ទៀត សរុបទាំងអស់ប្រទេសយើងមានចំនួន ១០៧ ករណី និង យើងបានព្យាបាលជាសះស្បើយចំនួន ២នាក់ទៀត សរុប ២៣នាក់ ស្លាប់គ្មាន ។
ក្រសួងជំនាញដដែល បានបន្ថែមទៀតថា យើងពុំទាន់រកឃើញភ័ស្តុតាងបញ្ជាក់ថា មានការឆ្លងក្នុងសហគមន៍នៅឡើយទេ តែលទ្ធភាពនឹងអាចកើតមានឡើង ។
សូមបញ្ជាក់: ករណីជនជាតិអង់គ្លេសពីរនាក់ ព្យាបាលជាសះស្បើយនៅមន្ទីរខ្មែរ សូវៀត គាត់ទាំងពីរនាក់ រកឃើញវិជ្ជមាននៅមន្ទីរពេទ្យខេត្តកំពង់ចាម តែត្រូវបានបញ្ជូនមកព្យាបាលនៅភ្នំពេញ ។
