ប្រធានមន្ទីរពេទ្យកុមារជាតិ សម្រេចចិត្តព្យាបាល និងការស្នាក់នៅរបស់កុមារី ម៉ូ វីលីយ៉ា រហូតដល់ជាសះស្បេីយ ដោយមិនគិតប្រាក់
ភ្នំពេញ៖ ម៉ូ វីលីយ៉ា ជាក្មេងស្រីឆ្លាត ពូកែ និងរឹងមាំ បន្ទាប់ពីការសង្រ្គោះបន្ទាន់ ក្មួយស្រីបាន មានកម្លាំ ង អាចនិយាយ ឆ្លើយឆ្លង និងមានស្មារតីចងចាំបានប្រសើរ ឪពុកម្តាយ និងក្រុមគ្រួសារ វីលីយ៉ា ពិតជាសោកស្តាយនូវរឿងដែលបានកើតឡើង វាជាសារមួយ ដ៏ឈឺចាប់បំផុត អរគុណនូវការយកចិត្តទុកដាក់បារម្មណ៍ ការស្រឡាញ់អាណិត ពីសប្បុរសជន ថ្នាក់ដឹកនាំ និងលោកគ្រូពេទ្យ ដែលបានផ្តល់ភាពកក់ក្តៅ និងលើកទឹកចិត្តដល់ក្មួយស្រី។
នៅយប់ថ្ងៃទី១៦ ខែកក្កដា ឆ្នាំ២០២០ លោកហែម ដារិទ្ធិ អភិបាលខណ្ឌ លោក អុិត ជំនិត អភិបាលរង លោកម៉ន វុទ្ធី អធិការខណ្ឌ អធិការរង បានអញ្ចេីញសួរសុខទុក្ខក្រុមគ្រួសារក្មេងស្រីរងគ្រោះឈ្មោះ លាស់ ម៉ូវីលីយ៉ា ដែលមានអាយុ០៥ឆ្នាំ បានរងរបួសធ្ងន់លេីផ្ទៃមុខដោយសារស្រ្តីជនបង្កឈ្មោះលីវ ប៊ុនធឿន អាយុ៤៣ឆ្នាំ នៅផ្ទះជាប់គ្នាយកកាំបិទវះមុខ កាលពីវេលាម៉ោង០២និង២០នាទីរសៀលនៅភូមិតិក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ ក្នុងការសួរសុខទុក្ខនោះលោកអភិបាលបានឧបត្ថម្ភថវិកាចំនួន២លានរៀល លោកអធិការចំនួន៨០ម៉ឺនរៀលព្រមទាំងលោកញឹប អង្គាបុស្ស ប្រធានមន្ទីរពេទ្យកុមារជាតិ បានសម្រេចចិត្តព្យាបាល និងការស្នាក់នៅរហូតដល់ជាសះស្បេីយ ដោយមិនគិតប្រាក់៕
