មន្ដ្រីជាន់ខ្ពស់ ក្រសួងកសិកម្ម គាំទ្រ និងផ្ដល់ការលើក ទឹកចិត្ដ ឲ្យ កសិករ បន្ដខិតខំដាំដំណាំបន្លែត្រសក់ ដើម្បីបង្កើនជីវភាព និងផ្គត់ផ្គង់ទីផ្សារ ក្នុងស្រុក
តាកែវ៖ លោក វេង សាខុន រដ្ឋមន្ត្រីក្រសួងកសិកម្មនិងសហការី បានចុះពិនិត្យផលិតកម្មដំណាំបន្លែ របស់កសិករ នៅភូមិចំប៉ា ឃុំចំប៉ា ស្រុកព្រៃកប្បាស ។ ដើម្បី ផ្ដល់ការគាំទ្រ និងផ្ដល់ការលើក ទឹកចិត្ដ ឲ្យ កសិករ បន្ដខិតខំដាំដំណាំបន្លែត្រសក់ ដើម្បីបង្កើនជីវភាព និងផ្គត់ផ្គង់ទីផ្សារ ក្នុងស្រុក ក្នុងសម័យកូវិដ- ១៩កំពុងរីករាលដាលពាសពេញពិភពលោកនេះ ។
ក្នុងឱកាស គណៈប្រតិភូ ក្រសួងកសិកម្ម ចុះពិនិត្យ នាថ្ងៃទី១៨ កក្កដា ឆ្នាំ២០២០ នេះ លោកពូ គង់ វ៉ុង ប្រជាកសិករ ប្រកបមុខរបដាំដំណាំត្រសក់ បានរៀបរាប ជូនលោក វេង សាខុន ថា៖ ការងារដាំដុះ (ត្រសក់ ត្រឡាច ម្រះ សណ្តែកគួ) ប្រមូលផល បានទៅលក់ទីផ្សារមួយវគ្គរួចហើយ បានចំណូល (២លានរៀលក្នុង១លើក ដាំក្នុងផ្ទះសំណាញ់ ជាមធ្យមទទួលចំណូលបានជាង២៥០០ដុល្លារ ក្នុង១ឆ្នាំ តែអាស្រ័យលើទំហំផ្ទៃដី) ការងារបណ្តុំបន្ថែសុវត្ថិភាព និងបញ្ហាផ្សេងៗ ទៀតនោះ លោកកំពុងរងចាំខាងក្រសួងកសិកម្ម ណែនាំបន្ដ ឲ្យដាំ ទើបបានទិនផលខ្ពស់ ។
លោកពូ បានថ្លែងអំណរ គុណ មន្ទីរកសិកម្ម រុក្ខាប្រមាញ់ និងនេសាទ ដែលតែងតែផ្តល់ កំលាំងចិត្ត គាំទ្រ និងជួយជាបច្ចេកទេសរៀងរហូត ធ្វើឲ្យអាជីវ កម្មរបស់លោកពូរីកចម្រើនធំធាត់រហូតមកទល់បច្ចុប្បន្ន។
បន្ទាប់ពីបានអញ្ជើញចុះពិនិត្យចំការបន្លែរួចមក លោក វឹង សាខុន រដ្ឋមន្ត្រី ក៏បានសាទរចំពោះជោគជ័យដែលលោក គង់ វ៉ុង ទទួលបាននាពេលនេះ ដោយចាប់ផ្តើមពីការដាំដុះជាលក្ខណគ្រួសារ ដាំទៅទីវាលប្រឈមបញ្ហាជាច្រើន ប៉ុន្តែបច្ចុប្បន្ន មានរោងសំណាញ់ ជាកន្លែងប្រមូលផ្តុំបន្លែ យកទៅផ្គត់ផ្គង់ទីផ្សាររាជធានីភ្នំពេញ មានអាជីវកម្មលក់ធាតុចូលកសិកម្ម។ល។ លោករដ្ឋមន្ត្រី បានបញ្ជាក់ថា៖ កត្តាទាំងអស់នេះហើយគឺធ្វើឲ្យផលិតកម្មបន្លែមាននិរន្តរភាព ធានាសុវត្ថិភាព ប្រសិទ្ធភាពសេដ្ឋកិច្ច និងប្រាក់ចំណូលគ្រួសារ។ ដោយឡែក អាជីវកម្មធាតុចូលកសិកម្ម (ជី ថ្នាំ សម្ភារប្រើ ប្រាស់) ក៏បានរួមចំណែកក្នុងការលើកកម្ពស់ផលិតភាពផលិតកម្មបន្លែ ងាយស្រួល ចំណេញពេល និងពលកម្ម។ល។ កត្តាទាំងអស់នេះ ហើយបានជាផលិតកម្មបន្លែសុវត្ថិភាពកំពុងមានការកើនឡើងជាលំដាប់ ស្រប់ពេលដែលតម្រូវការទីផ្សារកាន់តែខ្ពស់៕ សំរិត
