គួរអោយអាណិតណាស់ ក្មេងប្រុសម្នាក់បានស្លាប់បាត់បង់ជីវិត ដោយសារគ្រោះថ្នាក់ចរាចរណ៍ រវាងរថយន្ត បុកម៉ូតូ
ហេតុការណ៍នេះ បានកេីតឡេីងនៅថ្ងៃទី ១៧ ខែ កក្កដា ឆ្នាំ ២០២០ នាវេលាម៉ោង ១៣:៣០ នាទី រសៀល នៅចំនុចក្នុងភូមិគគីជ្រុំ ឃុំឬស្សីជ្រុំ ស្រុកថ្មបាំង បង្ករឡេីងដោយរថយន្ត បុកនឹងម៉ូតូ ក្នុងទិសដៅបញ្រ្ចាស់ទិសគ្នា ។
ជនរងគ្រោះមានឈ្មោះ មិច ឆ្លាត ភេទ ប្រុសអាយុ១៣ឆ្នាំ មានទីលំនៅភូមិគគីជ្រុំ ឃុំឬស្សីជ្រុំ ស្រុកថ្មបាំង បណ្តាលអោយស្លាប់នៅនឹងកន្លែងកើតហេតុ ចំណែកឯអ្នកបើកបរថយន្តម៉ាក ហ្វត ពណ៌ស ពាក់ផ្លាកលេខភ្នំពេញ 2AZ .4568 ពុំស្គាល់អត្តសញ្ញាណ បានរត់គេចខ្លួនបាត់។
បច្ចុប្បន្ន សពរងគ្រោះ បានប្រគល់ជូនក្រុមគ្រួសារ រៀបចំធ្វើបុណ្យតាមប្រពៃណី រីឯវត្ថុតាង បានយកមករក្សាទុក នៅអធិការដ្ឋានស្រុក ដើម្បីដោះស្រាយតាមនិតិវិធីច្បាប់។