ស្ថានទូកកម្ពុជានៅកូរ៉េខាងត្បូង ប្រារព្ធពិធីរំលឹកខួបលើកទី៦៧ ទិវាបុណ្យឯករាជ្យជាតិ ជាមួយនឹងការរៀបចំពិធីដាល់អំបុក អបអរសាទរ បង្ហាញពីវប្បធម៍ខ្មែរ
ភ្នំពេញ៖ ស្ថានទូកកម្ពុជានៅកូរ៉េខាងត្បូងបានប្រារព្ធពិធីរំលឹកខួបលើកទី៦៧ ទិវាបុណ្យឯករាជ្យជាតិ និងខួបកំណេីតកងយោធពលខេមរភូមិន្ទ ជាមួយគ្នានោះក៏មានការរៀបចំពិធីដាល់អំបុកអបអរសាទរបង្ហាញពីវប្បធម៍ខ្មែរ ប្រកបដោយភាពរីករាយ និងបានគោរពតាមវិធានការសុវត្ថិភាពរបស់អាជ្ញាធរដើម្បីបង្កាទប់ស្កាត់នៃការរីករាលដាលនៃមេរោគកូវីដ១៩ផងដែរ។
ពិធីនេះបានធ្វើឡើងកាលពីថ្ងៃទី៨ខែវិច្ឆិកា ឆ្នាំ២០២០ នៅមជ្ឍមណ្ឌលវប្បធម៌ខ្មែរ នៅទីក្រុងអានសាន ក្រោមវត្តមានលោកឡុង ឌីម៉ង់ឯកអគ្គរាជទូតនៃព្រះរាជាណាចក្រកម្ពុជាប្រចាំនៅសាធារណះរដ្ឋកូរ៉េ មន្ត្រីរាជការស្ថានទូត និងក្រុមគ្រួសារ និសិត្ស អនិកជនខ្មែររស់នៅកូរ៉េ ពលករ ពលការនី និងភ្ញៀវជនជាតិកូរ៉េចូលរួមប្រមាណជាង៨០នាក់។
កម្មវិធីខាងលើក៏បានរៀបចំបញ្ចាំងនូវវីដេអូឯកសារស្ដីពីការតស៊ូដណ្ដើមឯករាជ្យជាតិ រំលឹកអំពីប្រវត្តិសាស្ត្រកម្ពុជាអំពីការតស៊ូរបស់បុព្វបុរស ការបង្រួបបង្រួមជាតិ រហូតទទួលបានសន្ដិភាពពេញលេញដូចបច្ចុប្បន្ន និងបានរៀបចំឲ្យអង្គពិធីទាំងមូលចូលរួមច្រៀងចម្រៀងបទ ពង្សាវតារខ្មែរ ជនជាតិខ្មែរ និងបទដែនដីខ្មែរ ដោយពរពេញដោយក្ដីរំភើបរំជើបរំជួល។
ជាមួយគ្នានេះ លោកឯកអគ្គរាជទូត និងសហការី ព្រមទាំងភ្ញៀវជាតិ និងអន្តរជាតិ ក៏បានប្រារពពិធីដាល់អំបុក និងអកអំបុក បង្ហាញពីវប្បធម៍ខ្មែរ ប្រកបដោយភាពរីករាយ ដោយគោរពតាមវិធានការសុវត្ថិភាពរបស់អាជ្ញាធរដើម្បីបង្កាទប់ស្កាត់នៃការរីករាលដាលនៃមេរោគកូវីដ១៩៕