មុខសញ្ញាគ្រឿងញៀន០២នាក់ ត្រូវបាននគរបាលស្រុកបាណន់ បង្រ្កាបឃាត់ខ្លួនបញ្ជូនទៅតុលាការ
បាត់ដំបង៖កាលពីថ្ងៃទី៨ខែ វិច្ឆិកា ឆ្នាំ២០២០ អនុវត្តតាមមតិដឹកនាំរបស់លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាយោបល់របស់លោកឧត្តមសេនីយ៍ត្រី សុវណ្ណ គឹមហាក់ ស្នងការរងទទួលបន្ទុកដឹកនាំអធិការដ្ឋាននគរបាលស្រុកបាណន់ និងមតិណែនាំជំនាញពីលោកឧត្តមសេនីយ៍ត្រី កុយ ហៀងស្នងការរងទទួលផែនជំនាញលោកវរសេនីយ៍ឯក ប៉ាន់ វ៉ាន់នី អធិការនគរបាលស្រុកបាណន់ បានដឹកនាំបង្ក្រាបករណីរក្សាទុកជួញដូរ ឬដឹកជញ្ជូនដោយខុសច្បាប់នូវសារធាតុញៀនមួយករណីនៅចំណុចភូមិតាគ្រាម ឃុំតាគ្រាម ស្រុកបាណន់ ខេត្តបាត់ដំបង ដោយឃាត់ខ្លួនជនសង័្សយចំនួន០២នាក់គឺ៖
១-ឈ្មោះ ទូច សីហា ហៅសីភេទប្រុសអាយុ ៣២ឆ្នាំរស់នៅភូមិតាគ្រាម ឃុំតាគ្រាមស្រុកបាណន់ ខេត្តបាត់ដំបង
២-ឈ្មោះ ពឿត សុឃឿត ហៅម៉ៅភេទប្រុសអាយុ១៨ ឆ្នាំរស់នៅភូមិថ្មី ឃុំតាគ្រាម ស្រុកបាណន់ ខេត្តបាត់ដំបង
-ធ្វេីការដកហូរបាន៖
១-គ្រឿងញៀនប្រភេទមេតំហ្វេតាមីន ម៉ាទឹកកកICE ចំនួន ១៦ថង់ទម្ងន់២,៩០ក្រាម
២-ម៉ូតូចំនួន០១គ្រឿង
៣-ទូរស័ព្ទដៃចំនួន០២គ្រឿង និងសម្ភារៈសម្រាប់ប្រេីប្រាស់គ្រឿងញៀនមួយចំនួន
នៅពេលនេះនគរបាលស្រុកបានបញ្ជូនមុខសញ្ញានិងវត្ថុតាងមកកាន់ការិយាល័យជំនាញដេីម្បីរៀបចំបញ្ជូនទៅកាន់អយ្យការអមសាលាដំបូងខេត្តបាត់ដំបងដេីម្បីចាត់ការបន្តតាមនីតិវិធី៕
