គម្រោងបញ្ជូនកីឡាករ ទៅហាត់នៅក្រៅប្រទេស តាំងពីពាក់កណ្ដាលឆ្នាំ២០១៩ ត្រូវពន្យារដល់ពេលនេះ
ភ្នំពេញ៖លោកណយ ផាណាសអគ្គលេខាធិការសហព័ន្ធកីឡាកាយសម្ព័ន្ធកម្ពុជាបានសម្ដែងនូវការខកចិត្តជាខ្លាំងដោយសារតែគម្រោងបញ្ជូនកីឡាករ កាយសម្ព័ន្ធទៅហាត់នៅប្រទេសចិនត្រូវបានពន្យារមកដល់ពេលនេះដោយសារតែមេរោគកូវីដ ១៩រាតត្បាតពិភពលោកយើងនេះ ។
លោកបានបញ្ជាក់ថាសហព័ន្ធរបស់លោកមានគម្រោងបញ្ជូនកីឡាករកាយសម្ព័ន្ធផ្នែកអាកទីស្ទីក(Artistic)ចំនួន១០រូបទៅហ្វឹកហាត់រយៈពេលយូនៅប្រទេសចិនត្រូវបានអូសបន្លាយដោយសារតែកូវីដ ១៩ ។សហព័ន្ធមួយនេះមានគម្រោងបញ្ជូនកីឡាករទៅហាត់តាំងពីពាក់កណ្ដាលឆ្នាំ២០១៩មកម្ល៉េះតែមកទល់ពេលនេះជិតនឹងដាច់ឆ្នាំ២០២០ទៅហើយនៅតែមិនទាន់បានបញ្ជូនទៅហាត់ ។
ឆ្នាំ២០២១គឺជាឆ្នាំដែលលោកមានជំនឿចិត្តថានឹងបានបញ្ជូនទៅហាត់មិនខាន ។ការហ្វឹកហាត់នៅក្រៅប្រទេសកីឡាករនឹងមានការរីកចម្រើនព្រោះនៅទីនោះទាំងសម្ផារៈហ្វឹកហាត់ ទាំងអាហារូបត្ថម្ភសុទ្ធតែល្អនឹងមានស្ដង់ដារ មិនតែប៉ុណ្ណោះឧិកាស ឬ លេសនានារបស់កីឡាករដើម្បីគេចវេសពីការហ្វឹកហាត់គឺមិនអាចក់តមានឡើយ ។
ក្នុងថានៈជាអ្នកបច្ចេកទេសមួយរូបរបស់កីឡាកាយសម្ព័ន្ធលោកផាណាបានសម្ដែងនូវការបារម្ភពីហានីភ័យនៃបច្ចេកទេសព្រោះប្រភេទកីឡានេះត្រូវតែហាត់ដោយមិនអាចអាក់ខានបានឡើយ ។បន្ទាប់ពីផ្អាកមួយរយៈដោយសារកូវីដ១៩នោះពេលនេះកាយសម្ព័ន្ធបានស្ដារឡើងវិញនូវគុណផលរបស់ខ្លួន ។ទាំងបច្ចេកទេស ទាំងកម្លាំងកាយត្រូវបានស្ដារឡើងវិញពេលនេះកីឡាករ កីឡាការិនីកំពុងតែរក្សានូវគុណផលរបស់ខ្លួន និង កំពុងតែធ្វើឲ្យកើនឡើងថែមទៀតទាំងកម្លាំង និង បច្ចេកទេស ។
ពេលនេះសហព័ន្ធបានត្រៀមកីឡាករចំនួន២០រូបដែលក្នុងនោះផ្នែកអាកទីស្ទីកចំនួន១០រូប និង អាអេរ៉ូប៊ិក()Aerobic)ចំនួន១០រូបនិងមានបម្រុង៣រូប ។ ក្នុងចំណោមពួកគេនេះប្រសិនបើនរណាខុសពីប្រក្រតីនឹងត្រូវផ្លាស់ប្ដូរចេញដោយដាក់អ្នកដែលល្អជាងជំនួសវិញ ។
សូមបញ្ជាក់ថាសម្រាប់ប្រភេទកីឡាកាយសម្ព័ន្ធទោះបីជាកម្រិតអូឡាំពិកក៏ហាត់ត្រឹមតែ៥ម៉ោង ឬ ៥ម៉ោងកន្លះ ឬ ៦ម៉ោងប៉ុណ្ណោះក្នុងមួយថ្ងៃៗ ។
លោកអគ្គលេខាធិការរូបនេះបានដាក់ផែនការដណ្ដើមមេដាយឲ្យបានក្នុងស៊ីៅហ្គេមឆ្នាំ២០២១នៅប្រទេសវៀតណាមតែការតាំងចិត្តនេះក៏បានធ្វើឲ្យលោកខកចិត្តខ្លាំងដែរដោយសារតែកូវីដ ១៩ ។ទោះបីមានការខកចិត្តក៏លោកនឹងបង្កើនសមត្ថភាពកីឡាករ កីឡាការិនីរបស់លោកឲ្យបានកាន់តែល្អដើម្បីត្រៀមឆ្នាំ២០២៣ដែលកម្ពុជាធ្វើជាម្ចាស់ផ្ទះនោះ ៕
