សម្តេចពិជ័យសេនា ទៀ បាញ់ ផ្តល់កិច្ចសម្ភាសន៍ដល់វិទ្យុអាស៊ីសេរី ពាក់ព័ន្ធនឹងការវាយចោលអគារចាស់ និងសាងសង់អគារថ្មី នៅមូលដ្ឋានទ័ពរាម

នៅព្រឹកថ្ងៃទី១០ ខែវិច្ឆិកា ឆ្នាំ២០២០នេះ សម្តេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា បានផ្តល់កិច្ចសម្ភាសន៍ដល់វិទ្យុអាស៊ីសេរី ពាក់ព័ន្ធនឹងការវាយចោលអគារចាស់ និងសាងសង់អគារថ្មី ដែលស្ថិតនៅមូលដ្ឋានទ័ពរាម ខេត្តព្រះសីហនុ។

សម្តេចពិជ័យសេនា ទៀ បាញ់ បានលើកឡើងនៅក្នុងកិច្ចសម្ភាសន៍ថា ការវាយកម្ទេចអគារចាស់នៅមូលដ្ឋានទ័ពរាមនេះ មិនមានចេតនាអ្វីផ្សេងឡើយ, គោលបំណងដើម្បីរៀបចំទីកន្លែងថ្មី និងសាងសង់អគារថ្មីល្អទំនើបធំទូលាយជាងមុន ងាយស្រួលប្រតិបត្តិការកិច្ចការកងទ័ព និងមានប្រសិទ្ធភាពជាងមុន៕